هادو واحد تلاتة ديال لفكارن (سلحفاة) تافقو باش يديرو شي عشيوا مشاو لسوق دارو ف الطريق 100عام و هوما يوصلو تقداو لخضر لي بغاو و التقدية داروفيها 20عام

هادو واحد تلاتة ديال لفكارن (سلحفاة) تافقو باش يديرو شي عشيوا مشاو لسوق دارو ف الطريق 100عام و هوما يوصلو تقداو لخضر لي بغاو و التقدية داروفيها 20عام سالاو راجعو لدار ضربوا واحد 100 اخرا شويا وهوما يتفكرو بلا راه نساو لخبز تقالو لصغير فيهوم يمشي يجيبو ويقول ليهوم وعنداكم تاكلو قالو ليه ماتخافش مشا دازت 100 عام لولا و تانيا و تالتا ورابعا .... شافوه تعطل قالو سافي اجي ناكلو يالاه بغاو ياكلو و هو يخرج ليهوم مين ورا لباب و هو يقول ليهم :( يا شفتو مافيكمش التيقة)

حولي فطواليت

هادي واحد المرة شرات الحولي ديال العيد و حيث عندها الضيق في الدار مالقات فين تديرو و هي تديرو في الطواليط و الحولي بلاصة ما يبدا يقول باااااااع ولا كيقول ياااااااع

ملاكي

هدا واحد الولد صغير سوال ام ديلو قاليها واش الملائكة كيطيرو بصح قالت ليه اه الملائكة كيطيرو هو يقول ليها و علاش بابا كي قول للخدامة انتي ملاكي و هي مكطيرش ردات عليه الأم وقالت ليه غد غدي يطير ا وليدي

مغربي و ميريكاني

قال ليك هذا واحد المغربي مشا عند واحد صاحبو في المريكان وداه لواحد البلاصا كايصنعو فيها الطوموبيلات و قال ليه حنا عندنا هنا حل عينك وسدها تلقا طوموبيل جديدة تصنعات و بقا المغربي كايتعجب ناض داك المريكاني جاء للمغرب وهو يديه للحمام ودخلو وبقاو جالسين شوية وهو يسولو هنا اش كاديرو فيه قال ليه المغربي كانصنعو بنادم شوية وهو يخرج واحد كحل قال ليه وهادا مالو قال ليه حرقاتو الماكينة و ملي خرج واحد قصير قال ليه و هادا قالو هادا الشياطة ديال العجينة

بورطابل و بورتابلة

هذا واحد البورطابل داير مع واحد البورطابلة او تعطل عليها ملي جا قالت ليه اش هذ تعطيلة قال ليها وحق الريزو لي بيناتنا لكنت غير كنتشارجا

مندوب شركة

واحد مندوب ديال واحد الشركة صيفطوه يسوق واحد الاسبيراتور {مكنسة كهربائية} مشا دق على واحد المرة ورماليها قدام الباب بزااااف ديال الوسخ وقاليها ا لالا الا خلات هاد المكنسة خشة وحدة والله حتى نطاطي على رجليا وناكلها قدامك , وقالت ليه المرة مصيبية واقيلا غادي تاكلها دابا كاملا ,حيت الكهرباء مقطوعة

99 طاج

واحد الكداب قال لصاحبو جدي كان عندو واحد الباطيما فيها 99طاج وهو يجاوبو صاحبو حتى انا جدي كان عندو واحد الحمار لعلو ديالو يوصل ل99 طاج.وهو يقول ليه الاخر وكيف تيدير حتى يركب عليه.جاوبو من فوق الباطيما ديال جدك

بيض خاوي

دجاجة كتبيض البيض خاوي ، سولها مولاها : علاش كتبيض البيض خاوي، جاوباتو:أنا كنستعمل لولب الهلال، ما باغا أولاد.

كيلو كبدة

هدا واحد البخيل مشى للسوق الاسبوعي، وطلب كيلو ديال الكبدة مشوية، وهما يوقفو عليه الاهل ديالو، أهلا سي بوشعيب، وهو يغمض عين وقال ليهم؛ علاه السي بوشعيب عور.

فار بغا يخطب

كليك هاذا واحد الفأر بغى يخطب واحد الفارة, ملي مشا عند واليديها قالت لو مت الفارة.غادي نزوجك بنتي بشرط, تكتب ليها القادوس بسميتها

ملكة الجمال

واحد الرجل تايتفرج في عرض ديال ملكة الجمال وجالس حداه ولدو شوية وهو يسولو : بابا بابا دبا هادو يهوديات ياك ؟ قال ليه والله مكاين شي يهودية قد امك...

خدمتو

قالك هدا واحد الراجل كان معاه كلبة كانيش وهو يقوليه واحد صاحبوا مكلخ منين جبتيه قالوا خدمتوا(يعني سرقتوا) مشى لمكلخ على نيتوا وهو يجيب ليه خنشة ديال الصوف وقال الله يحفظك لما اخدم ليا 2 كانيشات واللي شاط صاوب ليا بيه مشة

القبلة

شاب قبل عجوزا فأصيب بتورم في شفتيه فذهب عند الطبيب و بعد الفحص قال له الطبيب بأنه تناول مادة منتهية الصلاحية

مكلخ شد الدكتوراه

هادا واحد معروفة عليه مكلخ شد الدكتوراة. مشى عند مرته قال ليها: أنا ما عرفتش علاش كلشي كيقول عليا مكلخ، إيوا هاني شديت الدكتوراة . قالت ليه مرتة: دق على الخشب . الراجل دق على الطبلة. و هي تقول مرته: شكون؟ قال ليها: جلسي نتيا، أنا نمشي نطل شكون

حسب حتال 500

هادا واحد مكلخ ما كيجيهش النعاس. قال ليه واحد صاحبو: أنا عندي ليك واحد الطريقة واعرة غادي تعاونك تنعس، بقى تحسب حتال 500 وغادي يجيك النعاس. خينا مشى ف الليل و بدا كيحسب، غير وصل ل 199 و هو يجيه النعاس، وهو نيت ينوض وغسل وجهو و رجع للناموسية يكمل الحساب .

علاش كيسقط؟

هادا واحد مكلخ سول صاحبو قال ليه: علاش الورق ديال الشجر كيسقط ف الخريف؟ رد عليه صاحبو قال ليه: حيت ما قرا والو ف الصيف

حلاق 2

هدا واحد الكوافور ضعيف ما عندو صحة دخل عليه واحد القلدة قاليه قرع لي مول الكوافور خاف قاليه واخ نقرع لحبيبي كول السمن معا لعسل ... فاش كمل ليه قاليه خلصني ضار فيه القلدة قاليه سير دبا نصمك بوك قاليك خلصني مول الكوافور خاف او مشا سد المحال ديالو على القلدة أو طل عليه من التقبة ديال الباب قاليه بقا بوك تم حتى تغوفل

طبيب و كونتابل

هادا طبيب وكونتابل (مقتصد) شراو جوج حوالا واتخاطرو شكون يدوز عندو اطول مدة الكونتابل ذبح الحولي وقسمو على عام ودارو فالفريجو ولكن كل يوم كيسمع الحولي كيغوث عند الطبيب دق عليه واحد النهار لقاه كيقطع من الحولي وكيدير ليه الفاصمة

خلعوو

دري فالطوبيس مبغاش يسكت من البكاء امه قالت لواحد الراجل يخلق الله مايشاء : خلعو أسيدي الله يرحم الوالدين باش يسكت ، وهو يقول ليه: شوف انت غادي تسكت ولا نصرفق امك .

شيفور

قاليك هادا واحد الراجل مفافي(كيتسرع) شيفور د طاكسي ديما كاتجي توقع ليه شي حاجة كايبدا يدهش و متيعرف ميدير واحد النهار قال ليه واحد صاحبو هاد المرة إلى كانت غتوقع ليك شي حاجة صوني علياوغانقوليك شنو غادير واحد النهار كان تيسوق الطاكسي ديالو وهو يتقطع ليه الفران أمصاب مايدير شوية وهو يعيط لصاحبو قاليه عتقني الفران تقطع ليا وهو يقوليه داك صاحبو شنو قدامك قاليه 2 دناس قاطعين الشانطي قاليه وعلى ليمن ديالك قاليه الحيط وقاليه وعلى الشمال ديالك قاليه السوق قاليه داك صاحبو إوا معندك مادير غير ضرب داك 2 دناس لي قاطعين الشانطي وقاليه صافي وقطع التيليفون شوية وهو يعيط نصاحبو عاود قاليه صاحبو أمدرا شنو درتي قاليه الراجل 1 ضربتو و 2 أنا مازال جاري وراه فالسوق باش نضربو حتى ه

قواس

قواس كاتفرج فماتش . مشا يشرب تسجل هدف بلا مايشوفو مني دارو الاعادة ماتماركاش

24 ريال

واحد السقرام عطا لولدو 24 ريال قاليه سير جيب شي خبزة من لحانوت او عنداك الشفارة ليمخرو ليك لفلوس زير عليهوم فيديك المهم خرج البرهوش هما يتعرضو ليه جوج بغاو يديو ليه لفلوس قبطوه بغاو يحلو ليه يديه ما بغاش يحلها عضوه مابغاش يحلها حطو ليه يديه فالارض او بداو تاينزلو عيها بواحد لحجرة او مبغاش يحلها طلع ليييييهم الدم هما يقولو ليه سير اودي غي فحالك هو يمشي فحالو وقف عند مول الحانوت حل يديه هو يلقاها ولات 5 دراهم (ديك لي فيها لصفر لوسط)

معكاز لقا 200درهم

واحد معكاااااااز(ma3gaze) كان غادي فطريق او هي تبان ليه واحد 200 درهم فالارض هو يوقف بقا تيشوووووف فيها هو يقول الله مافرزقش(مفيه ما يتحدر يهزها)

ببغاء

واحد مشا بغا يشري شي ببغاء ا لمهم مشا هو يلقا واحد هو لي كاين فالسوق او عرج (مهرس من رجليه) هو يقول لمولاه ا بشحال هاد الببغاء هو يقول ليه مولاه 500درهم هو يقول وااااااه 500درهم او عرج هو يقول ليه لببغاء او مال امك بغيت نشوت ليك لبيلانتيات

حلاق حمق

واحد الحلاق حماااااق تايحسن لواحد هو يقول ليه واش بغيتي هاد لودن (ادن) داك لي تايحسن سحابو غير تايضحك معاه هو يقول ليه لالا مبغيتهاش هو يقطعها ليه بلمقص هو يلوحها فزبل عاود قاليه الحلاق او هاد لخرى بغيتيها . خاف ليقطعها ليه حتى هي هو يقول ليه ايه ايه بغيتها . هو يقطعها ليه او عطاها ليه فيديه

شرطي المرور

واحد البوليسي ديال شانطي (المرور)بغا يمشي يفطر هو يقول لواحد مردا مكلاااااااااخ (قوات المساعدة) عفاك وقف بلاصطي حتي نجي .المهم وقف فبلاصطو ا هو يتم جاي واحد تراكتور هو يوقفو داك مردا هو يقول ليه هاي هاي هاي هاي لا باربريزاااات رويضة كبيرة ا رويضة صغييراااااا او مزال راكب لفوق

داك مردا نيت بان ليه واحد جاي فواحد طموبيلة انجليز(فيها لقدون فليمن) راكب هو او صاحبو هو يقول ليه هاي هاي هاي حارق ضضوووو او مزاال عاطي لصاحبك يسوق

فعل يغرد

واحد المعلم قال للتلاميد أعطوني جملة فيها (يغرد)كولشي بدا كيفكر اوهو ينطق واد أستاااد أستاااد قالو:البغل يغرد فوق الشجرة

الكسوووول

قالك هدا واحد سقط في قسم الاول20عام اوديمان الاستادة مجلساه في طاولة 1 ديما واحد المرة علموه بانه غدي يجي المفتيش اوهي تجلسو ف طاولة الاخرة منين جا المفتيش بدا كي تسالم معاه حتى خرج اوهي تقولوا منين كتعرف المفتيش قال ليها قرا معيا ف قسم الأول

مكانيسيان

قالك هدا واحد مكانيسيان شرا نموسيا هو ينعس تحتها

النملة و الحمصة

-قالك هدي واحد النملة كلات حمصة وهي تنتاحر علاش خافت من بابا ليقول ليها راكي حاملة

خاون تريكو

واحد السيد خون تريكو و اعطاه لولدو يبيعو هو يتخون لولدو وفاش رجع سولو بوه بشحال بعتيه قال ليه براس مالو

ضرب قرعة

هذا واحد الراجل كان غادي فالطريق أهو يضرب واحد القرعة ماشافهاش ا جرحاتو في صبعو مشا كيجري عند الطبيب قال ليه شوف كيف دير تحبس هاد الدم مشا الطبيب جاب ليه التقطيرة ديال العينين بغا يديرها ليه فعينو قال ليه انا مضروب فصبعي ماشي فعيني قال ليه الطبيب كون كنتي كاتشوف كاعما تضرب القرعة

متيخافش من امرتو

قاليك هدا واحد الراجل ادخل واحد القهوة وهو يقول ليهم اللي مكيخافش من مراتوا يخرج كلشي اهرب حتى مول القهوة الا واحد الراجل بقى جالس وهو يقول ليه مالك انت مهربتيش بحالهم واش مكتخافش من مراتك قاليه لا راه مراتي قالت ليا متحركش من بلاصتك حتى ارجع ليك ..!!

مول التاكسي

واحد المرأة ركبات مع طاكسي صغير
ملي وصلها سولاتو: شحال الثمن ؟؟
قال ليها10 دراهم .. وهي تعطيه 5 دراهم
قال ليها :الوالدة اش هادشي..!!
قالت ليه ونتا اوليدي باغي تركب فابور 5 ديالي و5 ديالك..

جيل اليوم

واحد المعلمة في الروض كتقري هاد الجيل أديال اليوم . قالت ألواحد الى قات لي لحساب من واحد الى الخمسة نعطيك بوسا أكبيرة
.قاليها والى أحسبت ليك حتى ألعشرة تمشي معيا لدار .

الكتكوت المفترس

هادا واحد عندو واحد الكتكوت مفترس. كيديرو مع الدجاج كياكل ليه الدجاج. دارو مع الحوالا خرج ليه على الحوالا. دارو مع البقر، لقاه فرتك ليه البقر.
الراجل طلع ليه الدم وهي يدي داك الكتكوت رماه ف الصحرا
مللي دازو 3 ايام، الراجل بقى فيه الكتكوت قال يمشي يطل عليه.
مللي وصل للصحرا لقاه مرمي ف الرملة والنسور كيحومو عليه.
جرا عندو الراجل وقال ليه: مييييمتي الكتكوت ديالي مات
قال ليه الكتكوت : الله يعطيك الويل خرجتي ليا على البلان

مثلت

قسم كسالى رسمات ليهم استادة ديال الرياضيات مثلت سولاتهم اش ناهوا هدا واحد لكاسول قال ليها درهم حرشا

عندك الزهر

واحد البنت..مشات عند الشوافة قالت ليها شوفي ليا. قالت ليها عندك الزهر مع الحديد .فرحاااات قالت صافي الطوموبيلات عل الجهد.........مع الخرجة دخل فيها..... رموك

حيوان عجيب

سأل أستاذ تلميذه: ما اسم الحيوان الذي يصحييك بصوته كل صباح؟
أجاب: بابا

إليسا, نانسي, هيفاء

إليسا وهيفاء وهبي ونانسي عجرم راكبين ف التران، وكيهدرو على فارس الأحلام
قالت ليهم إليسا: أنا بغيت نتجوج بوليسي
قالت هيفاء: أنا بغيت نتجوج شينوي
قالت ليهم نانسي: أنا بغيت نتجوج كوايري معروف
واحد سمعهم أشنو قالوا وجا عندهم قال ليهم: نعرفكم بنفسي، أنا العقيد شونج يانغ المعروف برونالدينو

البقرة البيضاء و السوداء

أستاد يسال تلاميذه ما الفرق بين البقرة البيضاء و السوداء
يجيب احد التلاميد البقرة البيضاء تعطينى الحليب و البقرة السوداء تعطينى القهوة.

البيرمي

هدي واحد لمرا مشات دوز البيرمي , ركبات مع المونيتور طوموبيل ,قال ليها الا هزيتي رجليك على لومبرياج غتسكت ليك طومبيل ,قالت ليه;ولا هزيتهم بجوج , قال ليها ; تشدي لبيرمي

لاح شي حاجة

قاليك هدا واحد المغربي و الفرنساوي و المريكاني مشاو لبحر .هو يخرج ليهم واحد الجن ديال البحر قليهم لوحوا شي حاجه فالبحر ويلا لقيتها نجي ندبح مولاها .لميريكاني لاح خاتم صغيييييير لقاه الجن جا دبحو. الفرنسي لاح سنسله رقييقه لقاها الجن وهو يرجع ليه او دبحوا . جا المغريبي او لاح شي حاجه...الجن عيا ميقلب والو. الجن هو ير...جع عند المغريبي قليه اش لحتي امسخوط الولدين.وهو يقوليه DOLIPRAN

لا يجوز

واحد المرا كاعية مع راجلها وهي تقول ليه: كون غير خديت إبليس ولا خديتك قال ليها راجلها: شرعا، لا يجوز المرا تجوج بخوها

دار القزدير

قال ليك هادوا واحد 2 مغاربة أو 2 فرنساويين الفرنساويين قالوا المغاربة عندكوم ديور القزدير بزاف
دو 2 مغاربة ردو عليهم قالوا ليهم تانتوما عندكوم ديور القزدير
قالوا الفرنساويين ماعندناش دار اوحدا د القزدير فرنسا
قالوا ليهم المغاربة نتحداكوم
قال الفرنساويين حنا غادي نكروا طيارة أونبدو نقلبوا من السما إلا بانت ليكم شي دار د القزدير ديروا فينا مابغيتوا
المهم جابوا الطيارة بدوا كيقلبوا من السما واحد من هاد الجهة أولاخور من الجهة الأخرى واحد لوقيتا هو يبان لواحد المغربي دار ديال القزدير هو يعيط لصاحبوا قال ليه : أجي راه لقيت دار نتاع القزدير قاليه لاخور : فينا هيا ؟ قاليه صاحبو راه راه شتيها؟ قاليه لاخور : تا سكوت أصاحب انت بيتي تفضاحنا راه السفارة المغربية هديك

الحشيش

هذا واحد غادي إشري 10 دراهم تاع لحشيش بانت ليه سطافيط هو يلوح 10 دراهم

شهر العسل

هذا واحد العروبي تزوج مشى إيدوز شهر العسل سافر أو خل مراتو مقابلا لحانوت

2 كيسان ديال الما

هدا واحد الراجل قال لمراتوا جيبي ليا 2 كيسان . واحد فيه الما و الثاني خاوي .
قالت ليه علاش ؟
قال ليها نقدر نشرب و نقدر منشربش...

الحمار و الحمارة

حمار قال لخطيبته: إيمتا غادي نتجوجو أ الحمارة؟
قالت ليه: حتى تعرف تهدر أ الحيوان

pardon?

هادا واحد مشى لمطعم ف فرنسا، و عيط للجرسون: جرسون، بغيت حريرة ‏عافاك . ‏قال ليه الجرسون: باردون؟ قال ليه لاخور: لا، ساخنون

في سبيل فلسطين

مسموم قطعات ليه الدولة النص ديال المانضة ديالو كتبرع للانتفاضة، ناض ‏تبرع بالنص التاني لإسرائيل

دبانة

دبانة طاحت فكاس ديال الشراب. خرجات منه كتقول: حييييدوا من طريق ‏النسر

مبوقين فالتاكسي

هادو تلاتة مبوقين ركبوا طاكسي. مول الطاكسي عاق بيهم واش ما حاضينش، ‏ناض شعل الموطور و طفاه و قال ليهم صافي وصلنا . ‏اللول عطاه ‏الفلوس التاني قال له شكرا التالت ‏نزل من الطاكسي و دار لعند مول الطاكسي و سرفقه. مول الطاكسي يسحاب ليه واش السيد ‏عاق بالقالب دياله، ساعة هو يقول ليه: المرة الجاية ما تسوقش بالزربة بزاف

مبوق و الجلابة

واحد مبوق حيد جلابتو وعلقها. شوية وهي تطيح هاديك ‏الجلابة، وهي يقول مع راسو: الحمد لله مللي ما كنتش فيها

دجاجة انتحرت

واحد الدجاجة انتحرت و كتبات ف الوصية ديالها: إيوا شبعوا بضامة ‏البنة

الطير

هادا واحد الطير خرج ف الجاج ديال واحد الطوموبيل. مول ‏الطوموبيل داه للدار ودارو ف قفص. ملي فاق الطير لقى راسو محبوس ف القفص وهو يقول : ‏أواه! زعما يكون الراجل مات؟

صالح

واحد سول صاحبو: أشنو سمية رونالدينو؟ قال ليه: سميتو صالح سولو صاحبو: وكيفاش عرفتيها؟ ‎ قال ليه: سمعت المديع ف الماتش قال خطأ لصالح رونالدينو

مات

هذا واحد درباتو طونوبيل غيب عيطو على لومبيلونس هو يجي واحد المسطي شافر لبسة طبيب قلبو هو يقول ليهوم صافي ر مات غادين بيه باش يطلعوه للطونوبيل ديال الموتا هو يفيق لقا حدا راسو واحد المردة قال ليه راني باقي حي هو يقول ليه المردة قالك الطبيب متي متي مالك بغي تعرف حسن من الطبيب

الفانيد

هادو واحد جوج دراري خلاتهم مهوم فالدار فالدوزيام إيطاج و سدات عليهم الباب واحد قال للآخر هاك فلوس سير نقز من الشرجم و جيب الفانيد هو ينقز , تعطل هو يطل عليه خوه لقا الجوقا مجموعة عليه هو يقول: ولد لحرام كيفرق فالفانيد.

ما تفزكش

هذا واحد قال لصاحبو شحال تحط نبول عليك و ما تفركش ، قال ليه مايمكنش؟؟؟ هو يبول عليه هو يفزك ، هو يقول ليه مسدقاتش.

الرضاعة

لمرا راكبة فلكار غادي من مراكش لكازا او هزا ولدها صغيييير او جالس حداها واحد الراجل متتعرفوش او تتقول لولدها رضع لنعطي لراجل يرضع رضع لنعطي لراجل يرضع هو يفراااااح داك الراجل .لمهم وصلو كازا او بغات تنزل فحالها هو يقول لها داك الراجل ا طااااااالع ليه الدم ما رضعتينا ما خلتينا نزلو فبنجرير

بخيل مع ولدو

واحد لبخيل دا ولدوا معاه المرجان دخل الولد وجمع فشكلاط والحلوة وشبس وهو يقولوا باه شهادشي قالوا ولدوا كنبغيهم ابابا كنبغيهم وهو يقولو وبوسهم ورجعهم لبلاستهم

خولي مولف

راجل شرا حولي قبل منلعيد بعام ولفو عليه مالين دار. مني قرب العيد مشا لحولي عند الراجل فال ليه باباامتا هاتجيت لحولي

كسووووول

واحد الكسووووول دوزو ليه متيحان بوحدو فالقسم وملي جاو ليصحو ليه لورقة جا هو التالت
الصبورة هي التانية
الطباشير هو الاول هههههههههه

الأخبار

واحد جوج مبوقين كيتفرجو فالأخبار نقز واحد فيهم وهو يقول واناري اصاحبي ليوما شحال طولو فالأخبار وهو يقول ليه لاخر سكوت اصاحبي را وقيلة الحلقة الأخيرة

راجل تيموت حدا امرتو

هدا واحد كيموت بقا كيهدر مع مراتو او تيقول ليها مللي جراو علي من الخدمة كنت معايا مللي مرضت وقفتي معايا مللي جراو علينا مالين الدار بقيتي معايا بقا كيشوف فيها هو يقول ليها تفو منهار شفتك ما شفت الربح المنحوسة

مبروك

هدا واحد قال لمرتو إلا ولدتي دري نسميوه مبروك و إلا ولدت بنت نسميوها مبروكة نهار ولدات جا عندو الدكتور قاليه ألف مبروك. هو إسخف

دري صغير مع عمه

دري صغير مني دخل عمه للدار وهوتيدور بيه..وتيقلب ليه فقفاه وفوجهو..استغرب وقال ليه :مالك أولدي تتشوف وتتقلب يا كما ضاعت ليك شي حاجة ؟قال ليه:لا لا عمي..تنقلب على وجهك الثاني..بابا تيقول عليك عندك جوج وجوه..

الرقم 11

واحد الدري كسول نودوا الاستاذ و قالوا كتب الرقم11 هو يكتب 1 و حبس قالوا الاستاد مالك قالوا هنا كتبت واحد و لكن الواحد لاخر واش نكتبوا على اليمين و لا على اليسار

شفار ضريف

واحد الشفار دخل يسرق شي دار ملي لقا مالين الدرا فقراء بقاو فيه و هو يغسليهم لماعن

شفار سرق التلفازة

واحد شفار دخل على واحد لمرة شارفة و هو يسرق ليها التلفزيون ملي خرج من دار و هو يشوفها تابعاه و يخاف هي و هرب هي تتجري و هو تيجري هو هارب و هي تابعاه حتى عيا و تقولوا نسيتي طيليكوموند الزين

راجل هبيل

هذا واحد مرتوا ولدات مع 11 د ليل فالسبيطار الراجل مشى قتل البنت اللي عاد تزادت جا الطبيب قاليه علاش قتلتيها جاوبو قاليه هدي يالله تولدات جاياني مع 11 د ليل ايوا فاش تكبر معاياش بغات تجي بالسلامة

فروج سكران

هذا واحد لفروج سكر تا سكر مزياااااان و هو يمشي عند السبع و عطاه تا هوا الشراب و تا السبع تبوق مزياااان و طاحو بجوج الارض ... لفروج ناض هو الاول شاف فسبع و هو يكول ... ... وااااو تنشربو و تنخسرو ... ايصحاب ليه واش سلخ السبع

طويل بزاف

طويل بزااااف شرب كاس لحيب ومات جاو شوفوا لقاو لحليب مجا يوصل للمعدة حتا انتهت مدة الصلاحية

قزم

قزم مشا يتصور صورة يدير لكارط ناسيونال هو يخرج فيها كامل

مصنع تلج

واحد مكلخ حل مصنع ديال التلج وسماه: مصنع الما الناشف

كون كانت السيبة

هذا واحد العروبي مشى للبحرعين الدياب ، شاف البنات كيتشمسو ، قال لواحد الشمكار؛ ناري كون كانت السيبة. رد عليه الشمكار؛ كون كانت السيبة نبدا بيك أنت الاول

نكت رياضية 2

. حطم المنتخب المغربي الرقم القياسي لهدا البطولة بعدما عاد للمغرب في ظرف اسبوع ليتوج ك اول منتخب يصل لبلاده .وفي تصريح للاعبين اكدو انهم توحشو عائلاتهم.وبدلك يكون الاعبين المغاربة قد احترمو الضيف. وكما يقول المثل (لي زار اي خفف).

. اكد زيزوالمغرب او ما يعرف زورو (زركة)انه كان قريبا من التسجيل لولا الحكم و الملعب العيان و الجمهور و الحارس و البطاطا غالية و... واكد انه سيسجل في المرة الجاية .ضمن راسو غادي يلعب.
. فاز القيصر قيسي عبد الكريم بجائزة الوقوع بدون سبب والطيح العشوائي و الدوران حول الملعب.
. واكد بوشعيب او ما يعرف بشعيبة عن غضبه بسبب عدم ادخاله في اللقاء واكد المباركي انه من عائلة مباركة ولو دخل كان سينفع المنتخب واخا غير بالبركة.
. وفي موضوع اخر اكد الشماخ عن غضبه الكبير ليس لاقصاء المنتخب بل لان جيل ديالو سرق منه وقد بحث كثيرا في البلاكار و لم يجده

.وابعدت الصحافة المغربية كل الاتهامات الموجهة و اكدوا ان الشعب المغربي لا يستعمل مثل هده الاشياء ليبقى المتهم الوحيد هو السيد العلودي الدي حلف انه لم يقم بالفعلة

.وفي تصريح لرئيس الجامعة اكد انه سوف يفتح تحقيق حول من الشخص الدي هز جيل.

خايبة و المراية

هادي واحد الخايبة شافت وجهها ف المراية وقالت: هادو اللي كيصايبوا المرايات ولاو غير كيركعوا .

مكلخين و المضاهرة

رباعة د المكلخين دارو مظاهرة ناضوا لبّسوا واحد فيهم الماسك ديال بوش وحرقوه

مكلخين و الكرافاتة

عشرة د المكلخين كيتعلموا الربطة ديال الكرافاتة. ستة ماتوا وربعة ف حالة حرجة.

حولي express

واحد بغا يشري حولي.. عندو غير 800 درهم.. مشا للرحبة لقا كلشي غالي.. قال لواحد البياع عندي غير 800 درهم وبغيت حولي.. قال ليه البياع.. تاكلو هنا وللا تديه معاك

سقرام مات باه

هذا واحد سقرام مات باه دارو فتلاجة حتى تموت امو ويدير جنازة وحدة.

فنان تشكيلي

قالك هدا واحد مبوق قال لصاحبه حلمت اننا ولينا فنانين انت فنان تشكيلي وانا فنان نشكيلك

ديفو واحد

هادا واحد لبنت كاتسنا شيواحد ايجي يخطبها. واحد نهار جاواحد خينا قاليهوم انا عندي طياير و عندي لمحلات وسوبيرمارشيات ولڤيلات ولفيرمات ولكن كاين ديفو واحد. قاليه باها وامين ديفو واحد ماكاين تا مشكل غير قول قاليه انا كديديب شويا

السبع الجيعان

سبع كيدور فالغابة فالصومال شافو صومالى تخلع سخف السبع جا شافو باسو وحطو فالجنب..حساب ليه خبز كارم

صاحبو معكاس

هذوا جوج صحاب ديما معاكسين مع بعضياتهم قال واحد نمشيو للقهوة قال صاحبو لا نمشيو للمطعم دار ليه خاطرو قال ليه تاني ناكلو الكفتة قال لا ناكلو الدجاج دار ليه تاني خاطرو أو كلاو الدجاج واحد المرة بغاو إمشيو للحمام قال نمشيو للحمام الشريف قالو لا نمشيو لحمام الدكالي دار لو خاطرو أومشاو لحمام الدكالي أو مني خرجو قال ليه نشربو عصير الليمون قالو لا نشربو الحليب طلع ليه الدم أو قتلوا أو جاو البوليس أو حققوا في المقتل تاعو أو معرفوش شكون لي قتلوا الصباح تم غادي في الكنازة ديالو أو بلعاني بارك إي بكي عليه مني جاو إدفنوه وحلوا معاه إهبطو راسو طلع رجلوا إهبطوا رجلوا طلع إدو وهكذا أو نقز صاحبو أو قال ها علاش قتلتوا

إشهار كوكا

قاليك هادي شركة ديال كوكا بغات دير اشهار مباشر وهي تجيب واحد المتطوع قالت ليه غاديتجري من الدار البيضاء للمحمدية وغادي توصل لمول الحانوت غتقولو واش عندك كوكا غيقولك لا وغادي تكمل حتى الرباط وتمشي لعند الحانوت غتقولو واش عندك كوكا غادي يعطيها ليك وتقول كوكا الانتعاش.اوا بداو كيصوروا خونا وصل للمحمدية مهلوك مقتول قالو عندك كوكا قالو لا قالو اعطيني سيدي علي فانتا ريدبول سبرايت اي حاجة كتشرب

تلميد كسول

هذا واحد التلميذ كسول . و باش يدور معاه المعلم بنقيطات كيجيبلو الغذاء و العشاء كل يوم. واحد النهار جاء المفتش.بدأ المعلم الدرس ، و هو المفتش بغى يجرب المستوى ديال القسم طرح سؤال حتى واحد ماعرف الجواب . وقف التلميذ الكسول هز يديه و بدأ ينادي أستاذ أستاذ. و المعلم ميك عليه حيت عارفو غادي يركع ليها العين. و هو المفتش قالو أ صاحبي خلي السيد يهدر. قال المعلم قل اسيدي الجواب قال التلميذ استاذ واش ندير بحسابو في الغداء و العشاء و لا

42 فالبلغة

واحد شلح كيلبس 42أو ديما كيشري بلغة 45 واحد نهار صاحبو طلعليه زعف قاليه أمالك أصاحبي كتشري بلغة كبر منك .قاليه شلح ثمان 45 هو ثمان 42 لهما ناخذ لكبيرا

معكاس

واحد معكس ديما شاد الضد قالو ليه صحابو حيد ديك السنة لمسوسة هتسوس ليك السنان مشا عند الطبيب وبدا يقول ليه حيد ليا هادي وحيد هادي وحيد هادي خلا غير السنة لمسوسة وقال ليها بقيتي بوحدك وشوفي اش هتسوسي دابا

السلوكي

واحد شرا سلوقي يصيد بيه ولكن كيسمع صوت البارود كيخاف ويهرب السيد قال نديه لموسم التبوريدة يولف على صوت البارود مشا ربطو حدا شي عيالات واحد الوقت داه معاه يصيد غير السيد ضرب حجلة والكلب سمع الصوت هو يطلق تزغريدة

قنية و الفكرون

> هادي قنية مريضة بزاف و ضارها راسها، قال ليها الفكرون: ما تخممش، أنا
> نمشي نجيب ليك الدوا.
> القنية جلسات تسنى ساعة، ساعتين، حتى داها النعاس. الغد ليه فاقت و
> الفكرون باقي ما رجع. ناضت طلت من الشرجم لقاته قدام الباب. قالت ليه:
> طلق راسك، أنا اللي مكلخة معولة عليك.
> قال ليها الفكرون: غادي تحترمي راسك أولا ما بقيتش غادي

هبيل صايم

واحد هبيل صايم واتصل ببرنامج الإهداءات قال ليهم: بغيت مقطع من أذان المغرب

التسمم في الروبيني

> هادا واحد سمع الغوات عند الجيران ف نصاصات الليل ومشى يشوف أشنو واقع، > قالو ليه الما د الروبيني فيه التسمم. > رجع الراجل لدارو وسولاتو مرتو: أشنو واقع؟ قال ليه راجلها: أوالو داكشي. > شربي ليك شي كاس ديال الما ونعسي

مغدي بالمسكة

واحد المعلم عزيزعليه يسلخ الدراري. شد واحد الولد وسولو: باش تغديتي اليوم؟ > جاوبو: بالمرقة. هز المعلم العصا وبدا يضرب فيه: ها البطاطا، ها خيزو، ها > اللفت، ها اللحم، ها البصلة... حتى شبعو عصا > داز على التلاميد كلهم حتى وصل عند واحد العايق سولو: باش تغديتي؟ > هو يقول ليه: بمسكة > وقف المعلم شوية يفكر، وهز العصا حتى السما هو يعطيه: ها الكاغيط > الفوقاني، ها الكاغيط التحتاني، ها نضغ نضغ نضغ نضغ

مبوق

واحد مبوق كيبكي ف السبيطار. سولوه ماله. قال ليهم: لا والو، غير الوالد مات شوية

الرجل العاشب

هادي واحد المرا طيبات لراجلها النهار اللول ملوخية النهار التاني طيبات ليه خبيزة > النهار التالت طيبات ليه السبانخ > النهار الرابع سولات راجلها: أشنو نطيب ليك اليوم؟ قال ليها: أبلا ما تعدبي راسك، غادي نمشي نسرح بوحدي

حي المقاومة

هادي واحد الما بغات تركب التاكسي وهي التسول مولاه .بشحال أولدي كتدي لحي المقاومة ؟ قال ليها 15 درهم قالت ليه أو سيكان ؟ قال ليها فابور وهي تقول ليه إو أولدي هاك دي معاك هد سيكان أن غنوصل عليك على رجلية

العياقة ديال الفار

كالك هدا واحد الفار هو او جمتو كانو ماشيين فواحد الغابة وهي تكول جمت الفار الادابا خرج عندنا السبع اشنوغادي نديرو او هو يكولها ولا تنقتلوا الا خرج راه انا صعيب واش سهالتيني او هوا يخرج السبع كاليه كاتهدر عليا كاليه اه معاك كاليه انا كاليه اه نت هو يكوليه الفار تسنا مشا الفار وصل جمتوا شي بلاصة او هو يرجع كال الفار لسبع سمحلية اخويا راني غي كنت تاندير ديك العياقة ديال والو حداها او كاليه كاع انا غدي نطلع فوق راسك نبوسو او هوا يطلع اهو يشوف جمتوا جاية بغات تشوف اش واقع اهوا يكول لسبع ندوس على راس امك دابا

103

هذا واحد العروبي شرا موطور 103 أو شفروه ليه . مشا عاود تاني شرا 103 اخر أو شفروه ليه ..من بعد مشا عند البوليس أو فاليهم شفرو ليا206

العدس

دبا هدا واح راجل" سوسي مع حترامتي لجميع سواسا" جا عند واحد صاحبو وكليه يلاه تعشا معايا وكليه صاحبو لا وكليه سوسي ولله حتا نمشيو نتعشاو عدنا وجا سوسي وصاحبو حتي وصلو حدا دار وكليه سوسي اراه غير العدس لي درنا لعشا وكليه صاحبو ومال العدس وكليه سوسي ومال موك

أحسن 5 حوايج في الدنيا

واحد لمكلخ قال لصاحبو احسن خمسة لحوايج فالدنية هما الماكلة والنعاس.

بغا يسمي بنتو

واحد المبوق سولوه اش غاتسمي بنتك اللي تزادت قاليهم نورة على سميت عمتي فاطيمة

السكايري و السمطة

واحد السكيري وقفوه البوليس فالطونوبيل قالوليه علاش ماديرش الصمطة قاليهم حيت مالابسش السروال

الطلاق العصري

واحد الراجل مشى إطلق المرا هو إقوليه المحامي صعيب راه غدي تدي نص المانضا هو إڨوليه مزيان راه كانت تتخدها بوحدها...

واحد السقرام تعلم ايكابري اوهوا يبيع الرويضة القدامية

بين حمارين

واحد تصور بين 2 حمير أو سيفطها لصديقتو و كتب تحتهاْْْْ ملاحظة أنا الموجود في الوسط

فيزا للجميع

أوربا سمحوا للمغاربة بالهجرة بدون فيزا. المغاربة كلهم يستعدوا للهجرة. الملك هو يخطب عليهم وقال: آخر شخص يخرج من المغرب يطفي معاه الضو.

إشهار good year

واحد قالو ليه غادي ديرلينا اشهار ديال good year غادي نديروك فرويدة ونكركبوك ومنين تخرج قول عجلات السلامة صح والمتانة
منين خرج من رويدة دايخ قالهوم لنظافة اكيدة رايبي جميلة

مشغول + مشغولة

واحد مشغول تزوج وحدة مشغولة ولدو واحد ماعندوش لوقت

حيد حوايجك

واحد مشى عند طبيب قالو طبيب حايد حوايجك قالو حيدهوم نتا الاول

الحديد

واحد قالوليه شنو سميت لحديد بالفرنسية قالهوم la salle

من سيربح المليون

هدا واحد لمكلخ شارك فمن سيربح المليون قالولو سميتاك قالهوم واش مكاينش اختيارات

فعل انتصر

الاستاد : اليوم غادي نشرحوا فعل ' انتصر' غادي نعطيكم واحد لمثال : انتصر المسلمون على الكفار
التلاميد ما فاهمين والو
الاستاد : واخا ما فهمتوش ها واحد المثال اخر : انتصرت ريال مدريد على برشلونة فهمتوا دابا و لا لا
واحد التلميد رفع صبعوا : انا س انا س انا سسس
الاستاد : نعم اولدي التلميد : المسلمون و برشلونة ف la finale.

الزين اللي عطاك الله

هادو واحد الناس عندهم عرس في قاعة الأفراح ... المهم أنهم كايتسناو group فرقة موسيقية . ماجاتش الأب ديا لعروسة طلع ليه الدم (غضب) و هو يمشي عند واحد الجماعة ديال شباب قاليهم شكون لتفضل اغني بيما جا group ناض واحد سكران ابدا يغني تيقول " الزين ليعطاك الله ...الزين ليعطاك الله ....الزين ليعطاك الله ...الزين ليعطاك الله " عاودها بزاف المرات أب العروسة غضب اقاليه اسي محمد ماتبقاش غير شاد فهاد الأغنية بدلها و يقوليه الشاب واخا ابدا يغني ا تيقول " الله لي عطاك الزين ....الله لي عطاك الزين ....الله لي عطاك الزين ....الله لي عطاك الزين ...."

تلفزيون ملون

هادا واحد مكلخ مشى عند مول التلفزيونات و قال ليه: عندك تلفزيونات بالألوان؟
قال ليه لاخور: كاينين
و هو يقول ليه المكلخ: واخا عطيني واحد خضر

النملة و الفيل

واحد النملة قالت لفيل سلفني قميص قاليها لا اتوسعيه ليا

الكحل و الابيض

هدا واحد المراة وراجلها كحلين ولدو ولد بيض او سمواه مايمكنش

أخبار رياضية

فاز الرهيب حسين خرجة بجائزة الضحك بدون سبب والتفراك العشوائي بعدما لفت له الانتباه وهو يهزر و يعاود النكت لصديقه حجي خلال عزف النشيد الوطني المغربي .

اكد السيد المحنك هرني ميشال انه لن يستقيل عن تدريب المنتخب خاصة في هده المرحلة فساله احد الصحافيين لمادا فاجاب لانه مازال لم يتمم بناء قصرله بلبنان .

اكد قائد الجوق السيد وادو انه قد اعتزل رسميا و اكد انه سيتجه نحو نوع رياضي جديد الا هو الجري السريع وعزى هدا التغيير لللقطة الطريفة حينما تبع مهاجم غانا اغوغو.

وفي اتصال هاتفي مع موريس غرين ابدى تخوف من وادو واكد انه سيصعب من مهمته بالفوز بدهبية 100متر ببكين .

اكد المبعوث العام لليونيسيف ان عدة خلافات نشبت بين لاعبي المنتخب الوطني المغربي ودكر شهود عيان(ضارو راسو)ان اسباب المشاكل هو المسبح او ما يعرف ب(لابيسين )la piscine حيث حاول وادو ان يتسدر اولا لكنه ام يرى القيصر القيسي الدي كان يتشلبخ فطاح فوقه مما خلف موجة استياء عارمة في الوسط الرياضي خاصة والمائي عامة .

وفي اطار الدرس اكد السيد ميشال انه لم يقم بادخال قرقور الطلالي كرسمي لان ميشال اكتشف انه يغش في القاء التحية(يدكر ان الاعبين تعودو على القاء التحية كل صباح لهنري ميشال حيث يرددون بصوت واحد"صباح الخير يا هرني ميشال ").

وفي موضوع اخر اكد مراسلنا من انف المكان السيد "سيد ابن سيدي السندبادي" ان الخلاف الدي كان بين الشماخ و العلودي حول" الجيل" او ما يعرف بالدهنة الشعرية اكد ان الخلاف قد حل بطريقة سلمية حيث قام الاعبون بجمع مبلغ 40 درهم بمعدل درهم لكل فرد من اجل شراء الجيل .

وصخرو الفوهامي وبصير (الصولع)لكي لا يديرو من جيل صخروهم لاحضار جيل.(اولي شاط ياخدوه )
اكد الاعب المغربي قابوس لللصحافة انه اقتبس تدخلاته الخشنة من كاتوزو .

اكد صاحب البركة المبارك المباركي او ما يعرف بشعيبة ان القميص يلبس والشعار في القلب والتوني ومصطلحات اخرى من هدا القبيل . اكد البطل القومي منصف الزرقة المعروف بزورو انه لن ولم يعتزل دوليا حتى يسجل هدفا للمنتخب.(يعني ماعمرو غادي يعتازل ) اكد منتخب البينين عن غضبه الشديد بعد اقصاء منتخب البنين من الدور الاول واكد انها مفاجئة من العيار الغليظ معتبرا انه كان مرشحا للفوز باللقب

الدلع

هادا واحد قال لمرته: انتي حمامة
قالت له: لا، أنا غزالة
قال لها: واخا. المهم حيوانة

مسموم رئيس الشرطة

واحد مسموم عينوه رئيس د البوليس. أول حاجة دارها ناض بدل رقم الطوارئ من 190 ل 08397287873902982

المسموم و الراديو

واحد المسموم اتصل بالراديو و أهدى أغنية بابا فين للأيتام ف عيد الأب

شفار مسموم

واحد الشفار مسموم دخل لواحد الدار يسرقها و ما لقى فيها والو. ناض اتصل بأمريكا و خلى السماعة مرفوعة و مشى

مسموم مول التاكسي

واحد المسموم عندو طاكسي. طلق مرتو، و مللي مشى يوصّلها لدار بّاها خدم ليها الكونتور

كينسي دغية

هادا واحد الراجل كينسى دغية كان واحد النهار كيجري ف لاكوط. مللي عيا وقف و دار يديه على ركابيه باش يرتاح شوية، مللي وقف و هو يقول سمع الله لمن حمده

قرعة اللبن

هدا واحد السكيري هاز قرعة ديال الروج شاف البوليسي وهوايخبيها.. وهوا يجي عندو البوليسي قاليه ..اش داكشي اللي مخبي قاليه السكيري لا والو غا اللبن ومع لخلعة وهيا طيح ليه القرعة ديال الروج وتهرسات وهوا يقوليه البوليسي هذا هو اللبن ومالو حمر.. قاليه السكيري لا والله اتا لبن غاشافك وهوا يتزنك ytzanag

بقرة في كتامة

هذي واحد البقرة كانت تاتقصي فالربيع فمدينة كتامة واحد شويا نسات راسها هي تقصي الكيف ،، شوية هزات راسها هي تقول . باااااااع أعوذ بالله من الشيطان الرجيم موووووووووووه

الزريعة ولا شي حاجة باردة ؟

هدا واحد خاينا مشا معا صاحبتو لسينيما هو يقول ليها اش بغيتي زريعا ولا شي حاجة باردة هي تقوليه بجوج هو يجيب ليها دلاحة

مربي بزاف

هدا واحد خينا مربي بزاااااااف كايدق باب التلاجة قبل ما يحلها

حديت كلاب

ادو جوج كلاب كايهضرو الأول قال:هو, الثاني قال : هو, فقال الأول: هوهو, فقال له الثاني: بلا ما تبدل الموضوع أصاحبي

سراق زيت و مولينيكس

هدا واحد سراق الزيت (صرصور) طاح ف مولينيكس ملي خرج قال الله ينعل اللي باقي يمشي ل لافوار

سكران كاعي

هدا واحد سكران، خارج تيسب في شخص الملك، وأمه تبعاه من الخلف، وتقول ، لأ راه تيقصد الملك ديال إسبانيا...

طاح من عيمارة

واحد مبوق طاح من فوق العمارة وتجمعات عليه الجوقة سولوه الناس: أشنو وقع؟ قال ليهم: ما عرفتش، أنا يالله جيت

عروبي في مرجان

قالك هدا واحد العروبي مشا ل شي سوق تجارية وسول لي مقابل فيها قالو شحال كتدير ديك تلفازة و هو يقوليه سير بحالك مكنبعشي لعروبية و هو يمشي يلبس لحوايج ديال لوقت ورجع قالو شحال كتدير ديك تلفازة و هو يقوليه سير بحالك مكنبعشي لعروبية عاوتني مشا لبس لباس ديال الخليج و جا كيهدر مع هداك لي مقابل كيسولو و هو يجاوبو عاوتني سير بحالك را قوتليك مكنبعشي لعروبيةو هو يقوليه الله يعطيك الستر غير قولي كيفاش عرفتني عروبي قاليه ...حيت هداك فران ماشي تلفازة

معكاز مول الدجاج

معكاز شرا ليه باه محل ديال دجاج باش يجمع راسو جات عندو واحدة قالت ليه ارا ليا شي دجاجة فيها 2 كيلو... الدري مكسل.. شاف فدجاج وقال يللاه للي فيها 2 كيلو تنوض

الحماق في الشانطي

احد السبيطار ديال الحماق خرجوهم لشانطي باش يشوفوا شكون اللي دار العقل قالوا ليهم للي تلقا لشي طونوبيل نعطيوه طريف ديال ماروخا كلشي كيتلقا لطونوبيلات و كيتشتت واحد بقا كيروغ على الطونوبيلات قالوا هدا مول العقل سولوه علاش كيروغ عليهم قاليهم كنتسنا شي رموك باش ندي باكيا ديال ماروخا

alimentation generale

علي و ابراهيم تشاركو حانوت و واحد النهار علي علق اللافته مكتوب عليها بالفرنسية alimentation generale جاء ابراهيم قرا اللافتة كعاو هو يبدلها دار فيها brahimentation generale

كسوف الإمارات

لك واحد النهار الامارات جاها كسوف على غفلة وحتى واحد ما عرف شنو وقع والعلماء ما فهمو والو وبقاو تيقلبو وهما يلقاو حسين الجسمي ناشر سرواااااااااااااااااااااااااالو.

60+60

هدا واحد الشلح {مع احترامي لكل الشلوح } كيقرا فمحو الأمية سولو المعلم قال ليه 60+60 شحال كتساوي قال ليه الشلح 120 أو هو يقول ليه المعلم مالك البارح قلتي لمفتش 140 أو هو يقول ليه الشلح راه زدت عليه حيت هو ماشي من لكليان ديالي .

مول محل الحمام

هدا واحد حل حمام دار5 دراهم حتى واحد مدخل دار ليهم 2 دراهم حتى واحد مدخل السيد طلع ليه الدم فراسو أو كتب فوق الباب حمام فابور الحمام تفركع ببنادم مول الحمام هز واحد العصا وقف حدا الباب قاليهم لي بغا يخرج 10 دراهم

المسمن

هدا واحد ناعس كيحلم كياكل فالمسمن فاش فاق لقا راسو واكل نص من الكاشة

المحلبة

هذا واحد الشلح ساكن في المحلبة، ولدو بات بلا عشاء ، قال ليه أبا فيا الجوع ، باه هز الريدو وقال ليه: شوف الحوانت كلهم سادين

المحلبة

هذا واحد الشلح ساكن في المحلبة، ولدو بات بلا عشاء ، قال ليه أبا فيا الجوع ، باه هز الريدو وقال ليه: شوف الحوانت كلهم سادين

تفرتيت الحلوى

واحد مشا عند مول الباتيسري سولو بشحال الحلوة؟؟قال ليه 2 دراهم ,,و يعاود يسولو ,و التفرتيت ديال الحلوة ؟؟قال ليه فابور,,,,,هو يقول ليه فرتت ليا جوج حلوات

شارفة كدابة

واحد الشارفه كتكذب بزاااااااف .. فقالوا اولادها خلينا نسيفطوها الحج ياكما اتوب من الكذوب ... مشات حجات وجات و اول ما وصلت سولوها اولادها ..الحاجه كيف كان السفر .. قالت لهم : اسكتوا ماشي الطيارة خسرت في السماء ونزلنا كندفعوها

مبارك الحولي

هادا واحد سميتو مبارك او جارتو سميتها زهرة مبارك شرا حولي هي تقوليه جارتو مبارك الحولي كال ليها تبارك الله على زهرة البكرة

تر تر تر تراكتور

هادي واحد المعلمة رسمات للدراري تراكتور و سولاتهم واش عرفوا أشنو سميته. حتى واحد ماعرفه. واحد شوية وهي تنوض واحد باش يجاوب و الدري تمتام، قال ليها: تر تر تر تر تر تر وهي تقول ليه: أنا غير سولتك على سميته ماشي قلت ليك دير ليه أمارش

سراق زيت تايتفرج

هادة واحد سراق الزيت كان كيتفرج فالتلفازا و هو يدوز اشهار بايكو و هو يسخف و دجا عندو باه و قال ليه ياك قلت ليك متفرش فالافلام د الخلعة

ما عندو زهر

هادا واحد معندو زهر بغا يقطع الشارع دربتو طوموبيل جات لابلانص ملي كانت مشا بيه درباتا الرموك مات السيد ملي الروح ديالو طلعات درباتا الطيارة

الجماني في القمة العربية

هادا الجماني مثل المغرب فالقمة العربية، المهم كل واحد قال الكلمة ديالو، أو الجماني كالس تيتسنى متى تسالي القمة ضرو الجوع، أو شوية طلب الكلمة، عطاوه إهضر : قاليهم : الوحدة ناضوا كلهم تايصفقوا ملي سالاو قاليهوم باقي ماتغديناش

كيفاش تعرف الواحد سكران

واحد الولد سول باه: كيفاش نعرف واش الواحد سكران؟ قال ليه باه: السكران أولدي غادي يقول ليه راه هادوك ربعة د الشجرات ماشي جوج منين تلفت الولد فين شير باه وهي تبان ليه غير شجرة وحدة

4.4.4.4

قالك هذا واحد دري طلع لجبل و هوا يقول 4 = 1+1 وهوا يعاودها جبل بزاف ديال لمرات (4،4،4،4) هوا يقول دري لا ماشي 4 هوا يقول تاني 20 = 1+1وهوا يعاودها جبل بزاف ديال لمرات (20،20،20،20) هوا يقول دري لا ماشي 20 هوا يقول انا حمار بصوت مرتفع هوا يقولو جبل ( نتا حمار ، نتا حمار ، نتا حمار )

الدجاج مصيف

هدا واحد البخيل ملبس الدجاج ديالو، سليبات باش ميبيضش عند الجيران.

مسافر في الطيارة

هدا واحد العروبي سافر في الطيارة، قال للبيلوط؛ سير قبلة باغي نصلي، لكن رفض ليه، وهو يقوليه؛ يالاه وقف بنا في احد السوالم، بغي نشوي القضبان و نتوضى

أول مرة يشوف البحر

هدا واحد مشى أول مرة للبحر ، لقى المد، ثاني مرة، لقى الجزر، دار عند صاحبو، وقال ليه: لي ميتر ناجور باعو وشراو

مشا للحج

هدا واحد بغا يمشي للحج ، خلى لاكارت ناسيونال لقبيلتو وقال ليهم : والجماعة إلا وقعات شي حاجة أنا راني شاهد

صباطو خانز

هدا واحدمول الطاكسي، صباطو خانز، سولو الكليان ديالو، شحال من حصان في الموطور ديال الطاكسي، قال ليه: عشرة ديال الخيل، جاوبوالكليان : يمكن مات ليك شي واحد منهم.

المقدم مشا يخطب

هدا واحد المقدم، مشى يخطب واحد البنت، سولوه: شحال كتخلص في الشهر، قال: أنا والقايد تنربحو 100 ألف ريال في الشهر.

غلاقة ديال المونادا

هدا واحد المجرم خرج من الحبس، المحلات ديال الدرب كلهم سدوا، ماعدا محماد الشلح، وقف عليه المجرم، وقال ليه: اعطيني ساندويش، محماد الشلح خايف، نسى غلاقة ديال المونادا وسط ساندويش،المجرم قال ليه: ناري محماد اليوم ندبحك، محماد الشلح خايف جاوبو: ياه لقيتي غلاقة ديال المونادا ، وربحتي ثلاجة...

شفار في الدار

امرأة رئيس الوزراء، اتصلت بزوجها وقالت له : يمكن عندنا شفار في الدار. جاوبها: العجب، مع العلم ان كل الوزراء حاضرين عندي في الاجتماع....

وزير التشغيل

وزير التشغيل كان حاضر في برنامج تلفزيوني، واحد المواطن شمور. إتصل بالهاتف وأهدى للوزير أغنية : خليت ليك الله يا الظالم لنجاة أعتابو

شامبوان و colgat

هذا واحد الشلح مول الحانوت, لقى ولدو تيشوف في شامبوان...وهو يصلع ليه. , لقى ولدو تيشوف في colgate...وهو يحيد الأسنان دياولو

هذا واحد الشلح مول الحانوت, لقى ولدو تيشوف في شامبوان...وهو يصلع ليه. , لقى ولدو تيشوف في colgate...وهو يحيد الأسنان دياولو

جمجمة عمرها مليون سنة

عثر في المغرب على جمجمة إنسان قديم، فحصها كوميسير ديال البصري، فقال أن عمرها مليون سنة (كرات)أقرت بعمرها بفعل التعديب.

إنفجار إرهابي

هدا واحد العروبي آنفجر في وسط سوق خميس الزمامرة...آشنو الإرهاب، لقاوه واكل صندوق ديال الكرموس الهندي.

جامع الفنا

نصيحة : إلا طاح ليك درهم في جامع الفناء بمراكش ، فلا يجب أن تنحني لإلتقاطه. بل إدفعه برجلك حتى ابن كرير. وشكرا...

ضفدعة جرانة

قال ليك هادا واحد الاستاد رسم للتلاميد ضفدعة وقال ليهوم اش هادي وهو ينوض واحد الكسول للسبورة وهو يقول ليه هادي جرانة قال ليه الحمار هادي راه ضفدعة و هو يرجع داك الكسول لبلاصتو وقال لصاحبو العجب كاتبان من البعد بحال شي جرانة

أكبر كداب

داب هادو شي شبعانين و مساليين مشاو لواحد القنت وجمعوا كاع الكدابة باش يشوفو شكون الواعر فالكدوب سولو الاول قال ليهم انا واحد النهار حليت التلاجة ولقيت الاسكيمو كايتساراو فيها وسولو التاني وقال ليهم انا كنت ماشي واحد النهار ولقيت الملك فالزنقة وديتو يتغدى معايا وفالتالي قتلتو ورجعت ملك وسولو التالت وقال ليهم انا واحد النهار كنت فالغابة وكانت عندي قرطاسة وحدة وتلاقيت معا واحد السبع وضربتوا وزكلتوا وكلاني (والفاهم يفهم)

الإدارة محلولة

هدا واحد المعلم ديما كينسا السنسلة ديال السروال محلولة. ديما التلاميذ هومة لي كيفكروه.ديما . ديما .واهد النهار كان غادي اجي المفتش. اهو اوصي الدراري. كاليهم ملين اكون المفتش.الا كنت ناسي السنسلة محلولة .كولو لية راه الادارة محلولة . اوا صافي اسيدي جا المفتش . ناظ المعلم لسبورة.باش ابدا اقري الدراري قدام المفتش . اهما الدرادي بداو كيقولو :استاذ. استاذ اهو اقولهم اشنو ياك ما الادارة محلولة . اهما اقولو ليه لا راه المدير خارج

بيظة و طويلة

واحد قال لمو بغيت تزوج بوحدة بيضاء وطويلة وخدامة.. قالت خد لك حسن ثلاجة

زلافة الحريرة

استاد ديما يسول دراري .. باش تعشيتو.. دري ديما كيجاوبو بالحريرة .. واحد نهار قال ليه الا قلتي حريرة مرا خرا نعصي ولدي... دري قالها لباه.. باه قال ليه مني يسولك رد عليه بالدجاج ... الغد استاد سول الدري.. الدري قال ليه بالدجاج... سولو شحال من واحدة.. قال ليه جوج زلافات

سينيال خدام

واحد فسيارة قال لواحد عافاك شوف سنيال واش خدام أبقا هاداك راجل تيقل خدام ماخدامش خدام ماخدامش خدام ماخدامش...

المعكازا و التاكسي

هاذو جوج معاكيز بغاو إشدو تاكسي كل واحد تيقول للأخر شير نتا بقاو هكاك حتى وصلات حداهم شيرو بجوج بعدات عليهم أ وقفات قالو ليها غير سيري تمة فين غاديين .

دينارين

هذا واحد دري قال لباه عطيني دينارين بغيت نمشي عند صاحبي حسانين قالو بباه هاك دينار أ سير عند صاحبك حسن .

شحال في الساعة

جوج عيّاقة بغاو يبانو حدا جوج ساطات واحد سوّل واحد شحال ف ساعة ب لفرانسويّة : Combien de l'heure? لاخ جاوبو قائلا: Elle est taisez vous راها ساكتة

الماتش

واحد لمكلخ اول مرة دخل لتيران ديال كورة عيا يحنزز ف تالي خرج مقلق ڭاليه جمو مالك ڭاليه لماتش معاود ماكاتبينش مباشر

المكلخ في التران

واحد مكلخ قال لصاحبو: البارح ما نعستش مزيان ف التران قال ليه صاحبو: وعلاش؟ قال ليه المكلخ: لحقاش كنت ناعس ف البلاصة الفوقانية قال ليه صاحبو: وعلاش ما تبادلتيش مع مول البلاصة التحتانية؟ قال ليه المكلخ: حيت كانت خاوية وماكانش فيها حتى واحد باش نتبادل معاه

100 درهم

واحد راخل بخيل مشا عندو ولدو قالو عتيني 1درهم قالوا هاك 100درهم دي 1 درهم ارجع 99درهم هو دار العكس دا 99درهم ارجعلو 1درهم قالوا باه هاك هاد 1درهم جيب لممسح قالو اشغدير بها ابي قالوا نمح يمك من لحالة المدنية

قط ينبح

قطة دايزة لقات قط تينبح تعجبات وقال ليه وتامالك تلفتي الله تبقي الستر ؟ قال ليها :أ مكيف..أوكاعي فيها شي حاجة..

pourquoi

واحد سول صاحبو شناهي ’pourquoi’ بالعربية جاوبو صاحبو علاش قاليه لا غير سولتك.

طبيب نفساني

قاليك هدا واحد ربـح600 مليون و خافو حبابو اموت بالفرحة و مشاو عند واحد طبيب نفساني باش اقولهالو و كل مرة كيقولو الا ربـحتي 100 مليون اش غادي دير بها و مرة اخرى قالو الا ربـحتي 200 مليون غادي دير بها و بفا معاه هكاك حتى تعود . واحد نـهـار قالو راك ربحتي 600 مليون اقالو لاخور غادي نعطيك منها 200 مليون و مات الطبيب النفساني بالفرحة !!

جوج بولات شاعلين

حدا واحد مبوق ركب مراتو على لموتور سفي بقاو غاديين فطريق لمبوق شاف جوج بولات شاعلين قل لمراتو شوفي راجلك غادي ادوبلي 2موتورات سدق دخل فكاميو

le pauvre

جوج بنات دافعين كبير شافو حادث سيارة وحدة كالت للثانية ho le pauvre est reste dans moi مسكين بقا في ردت الاخرى LE PAUVRE LA BEBLIOTHEQUE SUR LUI مسكين مكتابة عليه

المنطق

واحد مكلخ جالس مع صحابو او هما يبداو كيتكلمو على المنطق هو ما فهم والو او هو يسول واحد حداه او قال ليه " من صباح او نتوما كتهدرو على المنطق او انا غير كانشوف فيكم اشنو هو النطق؟ " او هويقول ليه " عندك بريكا " قال ليه ايه او هو يقول ليه " يعني كتكمي " قال ليه ايه قال ليه " يعني كتجلس فلقهاوي " قال ليه ايه قال ليه " يعني كتبقا حاضي الي غادي او الي جاي " قال ليه ايه قال ليه " يعني كتصيد لبنات " قال ليه ايه قال ليه يعني " انت راجل " قال ليه ايه او هو يقول ليه هادا هو المنطق من بريكا عرفت عليك كلشي . او هو يمشي عند باه قال ليه واش عندك بريكا قال ليه لا او هو يقول ليه يعني انتا ماشي راجل

بطة

كاليك هدي واحد الأستاذة كالت للتلامذ عقلو على كلمة "بطة" غدا غادي نسولكم عليها . فاش مشاو الدراري للدار . واحد الولد كسول كال لباه: - بابا غدا فاش نكوليك فكرني كولي "بطة". لغد ليه الأب كال لولدو : - "بقرة" مشا الولد للمدرسة فرحان . و هي تسولهم الأستاذة : - آش كتليكم البارح ؟ تا واحد ما عرف إلا داك الولد . هو يهز صبعو . كاتليه المعلمة : - باشمن حرف كاتبدا ديك الكلمة ؟ كاليها التلميذ "الباء" كاتليه الأستاذة : - هز لعصا و نوض ضرب التلامذ لخرين كاملين . ناض ضربهم . وهي تكوليه كمل الكلمة . كاليها بقرة . كالت الأستاذة لباقي التلاميذ : - نوضو حلبوه .!!!!

الحيوان

كاليك هدا واحد الأستاذ كال لتلامدو كل واحد منكم يجيب معاه شي حيوان . لغد ليه واحد الولد جايب معاه جدو . هو يكوليه الأستاذ : - أنا كتليكم جيبو شي حيوان ماشي عائلتكم . جاوبو التلميذ : - واخا تشوفو هكا راه ديب !!!!!

le pain

كاليك هدا واحد الأستاد كال للتلميذ : - كانكولو للخبز بالفرونسي "le pain". و المسمن ؟
التلميذ : - "le lapin "

أستاد الرياضيات

كاليك هدا واحد الأستاذ د الماط (زعما الرياضيات) خدا واحد الأستاذة د الماط . هوما يولدو "متوازي أضلاع"

الغبرة

واحد راجع من طليان غير بصاك علا ظهرو.. لوالدة ديالو قالت ليه مالك اوليدي راجع ليا بصاك.. ولد الجيران راجع بطموبيل ولد عمك بكاميو.. قال ليها الواليده هادوك خدامين فالغبرة.. قالت ليه واش فيها خدم فيها ومني ترجع دوش..

الحولي المقرقب

هذا واحد دري مشا يخبي قرقوبي فسطاح ديالهم.وفالعيد حطو لحاولي فالسطاح وهو يكل ليهم القرقوبي .فاش طلعو لقاو الحولي كايضرب راسو بزيزوار كايقول ليهم بغيتو البطانة هالبطانة.

التلفزة

واحد مكلخ موصلينو دارهم للمطار. الطريق كامل وهو كيقول: كون غير جبت التلفزة... كون غير جبت التلفزة مللي وصلوا المطار، دارهم طلع ليهم الدم وقالوا ليه: فرعتي لينا راسنا، علاش زعما تجيب التلفزة؟ قال ليهم: حيت خليت الباسبور فوق منها

هباط

هادا واحد المعلم رسم سباط ف السبورة وسول واحد التلميد: أشنو هادا؟ قال ليه الولد: هباط سلخو المعلم مزيان وقال ليه: لا هادا سميتو سباط الغد ليه عاود المعلم رسم سباط وسول نفس التلميد: أشنو هادا؟ عاود قال ليه الولد: هباط عاود معاه المعلم نفس السيناريو شحال من مرة ولا بغى الولد يحفض هاديك سباط. المعلم طلع ليه الدم، وقال ليه: صافي جيب ليا ولي أمرك منين جات أم الولد، قال ليها المعلم: شوفي أ لالة، راني عييت مع ولدك... ديما كنرسم ليه هادا وكيقول ليه هباط بقات المرا تفكر شوية وهي تقول ليه: إيوا أشنو بغيتيه يقول ليك؟ هبرديلة؟

5 الحيوانات

هادا واحد التلميد قال ليه المعلم: عطيني خمسة ديال الحيوانات قال ليه التلميد: بقرة و كلب و تلاتة ديال الحمامات

معكاز ورا الباب

كانو هادو مجموعة دلمعاكز صيفتو واحد المعاكز ايجيب الخبز صينوه ساعة ودارو بناقص بغو يكلو الغدا بلا خبز اهو اخرج ليهم من مور الباب كالهم شتو كون مشيت كون بديتو عليا

عمر البينوار

واحد الصحفي مشى لسبيطار الحماق باش يدير لقاء مع الطبيب الصحفي: كيفاش كتعرفو اللي مسطي من اللي بعقلو؟ الطبيب: كنديرو الاختبار ديال البينوار الصحفي: واشنا هو هاد الاختبار؟ الطبيب: كنعمرو البينوار بالما وكنعطيو للمريض معيلقة، غراف، وسطل. وكنقولو ليه يخوي البينوار الصحفي: وطبعا إيلا استعمل المعيلقة أولا الغراف كيكون هبيل، وإيلا استعمل السطل كيكون بعقلو شاف فيه الطبيب وقال ليه: إيوا ف الحقيقة اللي بعقلو غادي يحل السيفون صافي... بغيتي الشرجم ديال بيتك يطل على الشانطي أولا على الجردة؟

nouveau materiel détécté

هادي واحد البنت و مبلية بالpc وديما حداه واحد النهار لبسات تقاشر جداد وهي دير ten ten nouveau materiel detecté

ها

واحد قال لصديقتو: الى كتبغيني قوليها...قالتلو..هـــــــــــا

راجلي بغا يشري..

و 3 فاسيات كيعيقوا على بعضياتهم وحدة قالت ليهم انا راجلي غادي يشري المعاريف كله و هي تقول التانية قالت انا راجلي غيشري توين و هي تنقز التالتة قالت ليهم وشكون قال ليكم راجلي باغي يبيع

سرقوا بنك

جوج سرقو بنك. مشاو لدا ر كايحسبو .عياو واحد قال لصاحبو غير نعس دابا غدا هايقولو فالاخبار شحال سرقنا

سكران و فار سكران

واحد سكران وفجيبو فار تاهوا سكران... جاي كيغوت فالدرب.. واحد لمرا طلات عليه قالت ليه هانعيط لمك على لحناش... الفار خرج هوا يقول لها عيطي تاعلا لمشاش

راجل معقول

راجل معقول كان غادي وطاح ف حفرة ناض منها وشاف قدامو وهي تبان ليه حفرة أخرى وقال: أوووف هنطيح عوتاني

المكلخ و الما القاطع

واحد مكلخ دار إيدو ف الما القاطع و دابت ليه. هو يدخل راسو باش يقلب عليها

البنات و البوز

جوج بنات دافعين كبير شافو حادث سيارة وحدة كالت للثانية ho le pauvre est reste dans moi مسكين بقا في ردت الاخرى LE PAUVRE LA BEBLIOTHEQUE SUR LUI مسكين مكتابة عليه

ما تخافيش

واحد البنت سولات الاستادة ديال العلوم الطبيعية.. واش للي عندها 20 عام يمكن تولد.. قالت ليها. ايه.. قالت ليها وللي عندها 15 عام.. قالت ليها صعيييب... نقز واحد الدري من وراها قال ليها.. ياك قلت لك متخافيش

المرأة المغربية

قال لك هذه امرأة ميريكانية..و فرنسية و مغربية..سولوهم على الحاجة اللي شرطوا على الراجل و حققها.. -الميريكانية قالت: أنا النهار الأول قلت له ماكنعرف نطيب..التهار الثاني ماشفت والو..النهار الثالث جاب طباخة.. -الفرنسية قالت: أنا النهار الأوول قلت له ما كنعرف نصبن..النهار الثاني ماشفت والو..النهار الثالث جاب مكينة د الصابون.. -المغربية قالت: أنا النهار الأول قلت ما كتعرف نطيب و لا نصبن..النهار الثاني ما شفت والو..النهار الثالث..وليت كنشوف شويا بالعين اليمنية....

السكايري و المقبرة

وحدين كيسكرو فالمقبرة.. وقفات عليهم كرواتيا كلشي هرب.. واحد بقا.. سولوه اش كدي المسخوط.. قال ..انا غير ميت حرجت نمشي لتواليت.

بغا يتزوج

واحد البنت قالت لباها راه واحد ولد الناس بغى يخطبني وما فيه حتى عيب. قال ليها باها واخا، قولي ليه يجي نشوفو
جا الخطيب وجلس مع بات البنت وهو كيمضغ المسكة وهو يقول ليه الراجل: مرحبا بيك أولدي. ولكن واش ما جاتش ف شكل تمضغ المسكة ونتا جاي تخطب؟
قال ليه الشاب: ولكن أ عمي، المسكة ضرورية من بعد ما يكمي الواحد كارو
قال ليه الراجل: هي كتكمي؟
قال ليه الشاب: شوية وصافي، مع شي كويس ديال الشراب
قال ليه الراجل: وزايدها كتسكر؟
قال ليه الشاب: مرة مرة، ملي كنقمر
قال ليه الراجل: وفين كتلعب القمار؟
قال ليه الشاب: ف واحد الكاباري
قال ليه الراجل: ومن إمتى ونتا كتمشي للكاباريهات؟
قال ليه الشاب: من نهار خرجت من الحبس
قال ليه الراجل: وعلاش دخلتي الحبس؟
قال ليه الشاب: حيت ضربت واحد الراجل بالموس وقتلتو
قال ليه الراجل: وعلاش قتلتيه؟
قال ليه الشاب: حيت ما بغاش يجوجني بنتو
قال ليه الراجل: على بركة الله، نجيبو العدول دابا

مكلخ و الشياطين

هادا واحد مكلخ، تجمعوا عليه سبعة ديال الشياطين، واحد كيوسوس ليه و ستة كيفهموه

حضر التجول

واحد لمدينة ديال المفروحين. واحد النهار دارو الشغب و دار ليهوم البوليس حضر التجول ف الليل. مللي طاح الضلام، خرجوا كاملين يشوفوا هاد حضر التجول

مكلخين فالحبس

جوج مكلخين ف الحبس، تفقوا يهرسوا الباب و يضربوا العساس و يهربوا. مللي هرسوا الباب، ما بانش ليهم العساس و هوما نيت يجلسوا يتسناو فيه

مكلخين في الجامعة

هادو رباعة ديال المكلخين ف الجامعة كيكتبوا داكشي اللي كيكتبه الأستاد ف السبورة. منين كيمسح الأستاد السبورة، كيقطعوا هوما الورقة

البومادة

هادا واحد مكلخ طاح ف الدروج. خرج ليه الطبيب بومادة و قال ليه دهن بلاصة الطيحة. ناض المكلخ كيدهن ف الدروج

الطوبيس

هادو رباعة ديال المكلخين صنعوا طوبيس كيمشي بالعرض باش كلهم يركبو القدام

الخاوي

واحد الراجل مشا عند البقال و قاله اعطيني بوطاغاز جاالبقال قاله و الخاوي ؟؟؟ رد عليه :غدي نشربها هنا .

السفة

هادي واحد الطيابة في العراس ، مرضت بكثرة الدخان ديال الفاخر ، اللي كتشموا ملي كاتكون كتطيب في الزرود ، وما فاقت إلا في المستشفى ، وتم سولها الطبيب شكون أنا؟ قالت ليه أنت السفة ، قال ليها على هاد الحساب إلى زدتي عشتي كتر دردري علي القرفة!!

القطيطة

هذا واحد المغربي سافر عند شي صاحبو في فرنسا ، وفي المطار ديال باريس استقبلوا صاحبوا وداه معاه للدار ، وفي الدار قالوا داك صاحبوا تتعشى معاي ولا مع القطيطة ، قالوا لا معاك ، ومن بعد العشا ، قالوا نعيطو لقطيطة تسهر معنا ولا بلاش ، قالوا أشمن قطيطة خلينا بلا قطوط حسن ، وملي بغاو ينعسوا ، قالوا تنعس بوحدك ولا تنعس مع القطيطة ، قالو ، لا بوحدي حسن ، وملي فاق في الصباح ومشى يغسل وجهوا تلاقا مع واحد البنت واعرة ، قرطاسة ، فقالها شكون نتي ، قالت ليه : أنا القطيطة ، وشكون أنت ، قال ليها أنا الحمار اللي جاي من المغرب.

مبوقييين

جوج حشايشية كيتكيفو قدام مرايا.. واحد قال لصاحبو شوف وحدين مقابلين معانا .. صاحبو ناض وقال ليه انا هنسولهم....قال ليه غير رجع هواحد منهم جاي

الكلاكسون

واحد السيد اركب في الطاكسي وجاتو 196 ريال جبد 200 ريال وعطاها لمول الطاكسي وبغا الصرف
قالو مول الطاكسي معنديش 4 دريال داك السيد بقا يشوف ومشا لكلاكسون وقالو أرا بعدا نكلاكسوني

20 فرنك ديال الزبدة

كاليك هدا واحد الرجل
قال لولدوا سير جيب 20 فرنك ديال الزبدة
مشا الولد عند مول الحانوت كالوا كاليك بابا عطيه 20 فرنك تاع الزبدة
مول الحانوت قال للولد : سير عيط لباباك يجي يلحس الموس

تاجر سقرام

تاجرسقرام حاط فالمحل قدام لاكيس مرايا...باش مني يهز لفلوس يتأكد انو هو مشي واحد أخر

فرض على غفلة

استاد بغا يدير فرض لدراري على غفلة..قال ليهم عندكم غدا فرض على غفلة

بخلاء

جوج بخلاء مسافرين فالكار...واحد منعْسْش قاليه صاحبو مالك منعستيش؟...قالو واحد سلفتو 10 دراهم مجاني نعاس...قاليه هاك 10 دراهم باش تقدر تنعس...من بعد ساعة فيقو قاليه إيوا رد ليا دبا 10 دراهم باش نقد نعس تأنا

الحمار

كـاليك هدا واحد لحمار معجباتوش سميتو وبغا يبدلها

مشا عند السبع وكـاليه بغيت نبدل سميتي كـاليه السبع وبحالاش بغيتي

كـاليه لحمار بغيت بحال سمكة .......

كـاله السبع واش كتعرف تعوم بعدا كـاليه لحمار لا

كـاله السبع إيوا راك حمار وغادي تبقـا حمار

الحوتة

هدا واحد الراجل اشترى سمكة كبيرة.
الزوجة: آخ...الحوتة خانزة...
الزوج: علاه أنت عايمة فحالها.

فضولي

هذا واحد الطفيلي، دائما يتدخل فيما لا يعنيه، واحد النهار لقى الناس مجمعين على حادثة سير، وهو يقول ليهم خلوني ندخل أنا أخ الضحية، ملي دخل، لقى حمار ميت.

مخاصمين

هدا واحد الراجل مخاصم لا يتكلم مع الزوجة ديالو. كتب ليها: غدا فيقيني مع 6 صباحا...لكن ما فاق حتى 12 ...وهو يلقاها كتبا ليه : فيق راه 6 صباحا.

قفطان الحب

هادي وحدة عريانا في دارها ...طلات عليها جارتها الشارفا وقالت ليها : تغطاي أبنتي قالت ليها المرة: راني تنتسنى راجلي او زيدون هادا راه قفطان الحب...
الشارفا مشات دارت بحالها ..دخل راجلها
قال ليها: الله يهديك الحاجة ..اشنو عملا فراسك؟
الحاجة : راه قفطان الحب هدا..
قاليها : مكمش ..سيري صلحيه

قرقوبي

واحد العروبي كان غادي بالليل شداتو الصطافيط..سولوله الحناش
قالو ليه: اجي نتا لهنا..واش كتقرقب؟ الفانيد و القرقوبي زعما
قال ليهم :لااا اسيدي والله ما كندير الحس

صاحبتو حشمانة

قاليك هاذ واحد هو أو صحبتو غادين كايتسراو فدروبا أو حشمانين . بقاو ساكتين وحد شوية قاليها قوليلي شي كلمة حلوة ..قاتليه سكارة .قاليها لا شيحاجا كتجمعنا قاتليه سطافيط

سكران حارك الدو

قاليك هذا واحد سكرااان داز فضو لحمر هو يوقفو لبوليسي قاليه آ سي راك دزتي ف ضو لحمر قاليه سكران ومشي شي حمورية.

مول الحانوت

واحد مول الحانوت مات وهوما يسولوه الموتى قالولو كيف دايرة الدنيا قاليهم وانا عارف غير ملحانوت لعندكم

وجهوو

واحد قبيح كان كايمشي فالليل خرجليه جن قالو بسم الله الرحمان الرحيم قاليه الجن حيدتيهالي من فمي

نمرة ديال الجن

واحد خينة لقى نمرة ديال التلفون ديال واحد الجن بقى كل شوية كايصافطليه مساج فيه بسم الله الرحمان الرحيم

جن بغا يصاوب اكارت ناسيونال

هادا واحد الجن مشا يصاوب لاكارط ناسيونال طلبولو شهادة السكنى جاب ليهم بنادم -حيت ساكن فيه

ماتت ليه المرا

قاليك هذا واحد راجل ماتت ليه مراتو أو ملي مشاو إدفنوها كلش تعجب هوما غادين أهوا ميت بضحك سولوه صحابو علاش كيضحك .أوقاليهم تخيلو معايا لأول مرة كنعرف مراتي فين غادة .

مجبد بزاف

واحد طلع لطوبيس شرا جوج ورقات.. قال ليه للي كيقطع علاش شريتي جوج... قال ليه مني طيح ليا ورقة تكون عندي ورقة .. قال ليه ومني يطيحو ليك بجوج.. قال ليه عندي لكارت ديال الطوبيس

فيه الحناش

واحد مشا عند طبيب قال ليه فيا لحناش فكرشي... الطبيب محشش قال ليه كتب فيها الامن الوطني .

جحش

جحش كبر مشا كيجري عند مو قال ليها ماما وليت حمار.. قالت ليه مالك كنتي مهندس .

نزهة

دري كايبغي درية سميتها نزهة... مشا عند باها قال ليه عمي بغيت نزهة ....قال ليه زها على مك

تايحلم

الاستاد لدري اش كتحلم دير... الدري : كنحلم نشد 10000 درهم فالشهر بحال الوالد... الاستاد :علاش باك كايشدهم... الدري : لا تاهوا غير كايحلم

شرب الدوا

واحد كتب ليه طبيب دوا .. قال ليه شربو ورا القهوة.. صاحبنا مشا لورا واحد القهوة فالدرب عاد شربها

الحديد

واحد صاط شابع عياقة. مشا يدوز امتحان فالفرنسية سولوه اش ناهو الحديد بالفرنسية قال ليهم
musculation

حشايشي تابعينو الحناش

حشايشي تابعنو لحناش .. كيدخل ليهم من دروبا مشدوهش.. واحد لوقت شافوه راجع قال ليهم دراري انا عييت ليوم تاغدا ونكملو

راسو كبير

واحد راسو كبير ديما واحد لبرهوش كايقول ليه ناري كون كنتي ملك... ديما .. واحد نهار شدو قال ليه اش هايطرا كون كنت ملك .. قال ليه الدرهم هاتكون قد الصينية

مصمن ولا بعرير؟

واحدا قالت لراجلها نصوب لك مصمن ولا بعرير.. قال ليها صوبي فمك هوا الاول

مش ولا مشا ؟

جوج مهابيل كايتخاطرو علا مشا... واش دكر ولا لا... داز واحد لمحشش سولوه .. هوا يقول ليهم نضربوها بحجرة .. الا تصب راه مش الا تصبات راها مشا

شفار رومنسي

واحد الشفار غادي معا صاحبتو.. شرا ليها بولو... واحد لوقت دازو من درب خاوي.. قالت ليه حنا بوحدنا دابا غتانم لفرصة... هوا يخطف ليها بولو وهرب

لحايا ما عندهوم فلوس

واحد جوج لحايا معندهم فلوس... تافقوا يركبو طاكسي ومني يحطهم يهربو... مني حطهم هربو.. مول طاكسي تاهوا هرب... تسحاب ليه حطو ليه قنبولة

سكران

واحد مشا سكران لدارهم... مراتو لاحت ليه ساروت.. تلف على الثقبة ديال الباب... غوت عليها قال ليها لحتي الساروت ولوحي الثقبة

واحد الاستاد قال لتلاميذ دياولو. غادي نوريكم 3 انواع ديال الكعيات

اتصل بواحد النمرة او جاوباتو بنت قال ليها كاين حميد، قالت ليه لا ماكاينش (كاعية )

قال ليهم هدي 1

اتصل بنفس النمرة او جاوباتو نفس بنت قال ليها كاين حميد، قالت ليه لا ماكاينش مالك صدعتينا (كاعية اكثر )

قال ليهم هدي 2

اتصل بنفس النمرة او جاوباتو نفس بنت قال ليها كاين حميد، قالت ليه لا ماكاينش الحماااااااار(كاعية بزاف )

قال ليهم هدي 3

واحد التلميذ قال للاستاذ انا غدي نوريك الكعية الرابعة

اتصل التلميذ بنفس النمرة او جاوباتو نفس بنت قال ليها انا حميد، واش اتصل بيا شي واحد، او هي ............

الفروج الشجاع

هذا واحد لفروج سكر تا سكر مزياااااان و هو يمشي عند السبع و عطاه تا هوا الشراب و تا السبع تبوق مزياااان و طاحو بجوج الارض ... لفروج ناض هو الاول شاف فسبع و هو يكول ... ... وااااو تنشربو و تنخسرو ... ايصحاب ليه واش سلخ السبع

الحماق

هدا وحد السبيطار ديال الحماق ديما إاى جا الطبيب فاصباح كايلقا شي حماق فواحد البيت مضروبين كولهوم فجبها ديالهوم إلا 1 واحد المرة دارو ليهوم الكاميرا ملّي جاو الغد ليه خدمو لكاسيطا ل تسجلات لقو هاداك لي مامضروب كيرسم ليهوم 1 الخط فالأرض أو كايقول ليهوم لي داز تحت هاد الخط نعطيه 200درهم

بغا ينتحر

هذا وحد الرجل بغا ينتحر أو مشى لواحد المقهى في إسبانياو كان باغي ينتحر او هادوك لي لتحت جابولولو لفلوس و قالولو متنتحرش و واحد المرة بغا يدير هكاك حتى في المغرب و قالو وحد الرجل لتحت طيح طيح نشوفوك كي غادي الدير

العوام

دري بغا يمشي من طنجة عايم حيت غير 14 كلم ... ضرب 7 كلم...عيا هوا يرجع

مول التاكسي

هذا واحد مول الطاكسي مبوق مزيان غادي فالمدينة او هي تشير عليه واحد المراا هو يوقف طل عليها من الشرجم او قال ليها فين غاديا أ لالة قالت ليه السوق اَسيدي هو يقول ليها سيري أوُ متعطليش

بوطاغاز

واحد الراجل مشا عند البقال و قاله اعطيني بوطاغاز جاالبقال قاله و الخاوي ؟؟؟ رد عليه :غدي نشربها هنا .

كوكا كولا

هدا واحد الراجل صحيييح دايما كيمشي عند البقال و كيقول له :اعطيني كوكا ولا .....؟ و البقال كيخاف منه و كيعطيهالو بلا فلوس

جا واحد النهار البقال طلع ليه الدم و قال مع راسو و الله اليوم ما نخاف منه و اللي بغا يكون يكون . ايوا جا عنده ديك الراجل و قال له عطيني كوكا ولا ... ؟

جا البقال رد عليه :ولا شنو ؟؟؟؟ رد عليه الراجل و قال له: ولا فانتا .

جيبو متقوب

قال لك هدا وحد غبي قال يا رب ندير يدي في جيبي نلقى 20 درهم مني قلب جيبو لقاه متقوب و هو يرجع يقلب لتكون طاحت

تعطلوا على المدرسة

هادو 2 دراري تعطلو على المدرسة ,و قال ليهم المعلم : علاش تعطلتو ؟

قال ليه واحد راه طاحت ليا 10 دراهم , و هو يقول ل تاني: و نتا مالك

قال ليه: راه كنت داير رجلي عليها .

بخيل مع ولدو

هدا واحد البخيل قل ليه ولدو :ابا عطيني 5 دراهم ندرب دويرة انا و صاحبي .
قل ليه باه: هاك ها درهم و سير نيشان .

حشايشيا كدام المرايا

جوج حشايشية كيتكيفو قدام مرايا.. واحد قال لصاحبو شوف وحدين مقابلين معانا .. صاحبو ناض وقال ليه انا هنسولهم....قال ليه غير رجع هواحد منهم جاي

الشفار و الغليظة

واحد الشفار دخل لواحد الدار... هي تشدو مولات الدار غلييييييظة و هي تجلس عليه و هي تعيط على ولدها: مصطفى !!!!!! عيط دابا لبوليس... و هو يقول ليه داك الشفار: سربي دغية أخاي مصطفى .

سرقو ليه السيارة

واحد سرقو ليه الطوموبيل سولوه على الرقم قال ليهم : نكٌول ليكم تسعلاف أممممم تسعلاف وشي7 أولى 8هكاك.. كول عشرلاف مواصلاش ..

طوط

واحد فين ما تيسكر تيعجبو يكٌلس جنب الطريق..الطموبيل الي دازت تتكلاكسوني :طوط ..تيرد عليها: وعليكم السلام.. طوط .. وعليكم السلام..دايز واحد وهو يقول ليه : السلام عليكم ..وهو يقول ليه طوط ..

بغا يسول سكايري

واحد دايز على سكران وهو يسولو على عنوان مكتوب عنده في ورقة .. شدها وتعطل في القراية مقفل والو.. وهو يقول ليه : هاد صاحبك ألخوادري مقالش ليك فين ساكن ..

سكران تايتسنا

واحد شاف صاحبو سكران تيكتب الثمنية برجليه معقلش على راسو ..خاف عليه لتجي السطافيط تديه قال ليه : مالك أصاحبي حالتك حالة.. يلاه يلاه نوصلك للدار..قال ليه عي خليني الساط راني تنتسنى دارنا دوز وندخل ليها..يتوب عليك ..

الغبي و الحبل

غبي تيتفرج في التلفزة وشاف واحد نقز من فوق عمارة عالية ومربوط بحبل وقال والله هذه تاساهلة .. اختار عمارة علوها 30مترواشترى حبل طوله 26مترطلع فوق العمارة وتلاح .. مني هبط راسو تغرس في الأرض ..الناس گ اع قالو ولد فلان انتحر..في التحقيق ديال البوليس سولو الدرو گ ري:شحال بعتي ليه من متر؟قال ليهم هو طلب لي 26متر ولكن مني باه صاحبي زدتو 4 مترومن عندي فابور .

رقم السيارة

سكايري وقفو بوليسي وقال ليه : تامال الماتريكيل (رقم السيارة) مباينش؟ وهو يقول ليه: متخممش أصاحبي راني حافظو

وردة من القلب

واحد اهدى لحبيبته وردة فرحات بها بزاف مقداتهاش الدنيا.. وهي تقول ليه : هذه الوردة عطيتيها لي من قلبك؟ قال ليها لا من الحديقة ..

جميلة

عدول جاءت عندو امراة وراجل باش يعقد عليهم قال ليها شنو الإسم ديالك قالت ليه جميلة مني شاف فيها لقاها قبيحة وهو يلوح ليهم الوثائق وقال للشهود : سيرو بحالكم راكم غادين تشهدوا الزور

حححححححح

قال ليك هدا واحد الراجل أعمى كان غادي فطريق هوا يجي عندو واحد دري تمتام بغا يوريه الطريق وصلوا لواحد الحفرة هوا يقول ليه الدري ححححححححححححححح حفرة أهما يطيحو لأعمى قال لمرة الجاية غي يقول حححححححح نقفز أهوا يقول ليه الدري حححححححححح أهوا يقفز أهوا يدخل فحيط

السخرة

واحد المكلخ سخرو باه قليه هاك جيب 5 دراهم نعناع يلاه ولدو غايخرج قاليه هاك ها 5 دراهم واحدة خرا جيب بها الزعفران , دري غبر او هو يتم جاي تيجري سولو باه فين السخرة قاليه الدري الواليد فين 5 دراهم لينجيب بها الزعفران او فين ليغانجيب بها النعناع .

pourquoi

هدا واحد سول صاحبو شناهي ’pourquoi’ بالعربية جاوبو صاحبو علاش قاليه لا غير سولتك .

عمرو خرج للزنقة

قاليكم هدا واحد من صغرو او هو خدام عمرو خرج للزنقة فاش كبر جوجاتو الوالدة ديالو ، لغد ليه خرج كايطلب فيها عافاك الوالدة خليها تبات عندنا مازال ليوما .

زوج شارفات

جوج عيالات شارفين بغاو يتزوجو ماقبل عليهوم تاواحد . دارو اعلان فالجريدة كاتبين فيه : تزوج بواحدة تحصل على الأخرى مجانا

الراجل تاينسا

هادي وحدا كاتشكي على صاحبتها كاتقولها : أنا راجلي كينسا بزاف نهار كينسا السوارت ديال الطوموبيل و نهار كينسى السوارت ديال الدار , اواه بزاف هادشي .

ردات صاحبتها قالتلها : ماشتيش راجلى أنا شي مرات تيقولى : نسيت فين شفتك واقيلا تلاقينا ف شي بلاصا؟

طبيب بيطري

واحد طبيب بيطري جا يخطب واحد البنت . سولو باها قالو : نتا معروف ؟؟ قالو وايلي تانتا , ماكاينش شي حمار فالمغرب ماتيعرفنيش

المرا و الكوكوت

واحد راجل بغا يتزوج ناد دا وحدا متدينه مقابله غي الدين ..وحد نهار دخل لدار جعان قالها وا لمرا كاين شي غدا حطاطلو البيض مسلوق قالها و اكوكوط علاش شريتها باش ديرينا لمرقا . قاتلو لا الكوكوط كطصفر و التصفار في الاسلام حرام ..قلها ايوا نودي سيري لداركم حتى يخرجو شي كوكوط كتوذن عاد اجي

غزلان

واحد تابع وحدة بطوموبيل ديالو طلعات ليه لقاها خايبة .قال ليها اش سميتك قالت ليه غزلان. قال ليها زيدي جهلي فيا

وصلت للقسم معطلة

قال لك واحدة وصلت للقسم معطلة..قالها الاستاذ" أش هاد التعطال؟..جاوباته: كان تابعني واحد كيبسال عليا ..
قال لها الأستاذ: إيوا راه خاص توصلي بكري ماشي تعطلي !!!
جاوباته: لااا..راه كان كيتمشى بشويا .......

دافعين كبير

جوج بنات دافعين كبير شافو كسيدة ( اللــه ينجينا و نجيكم )
وحدة قالت للثانية ho le pauvre il reste dans moi مسكين بقا في
ردت الاخرى LE PAUVRE BEBLIOTHEQUE SUR LUI مسكين مكتابة عليه

بوشتا

هدا واحد العروبي يالاه حطوا الكار فكازامشا تبع واحد البنت قاليها -البنت قول ليا اشنوا سميتك
قالت ليه انا سميتي fati fleur ( فاطمة الزهراء )
قال ليها انا سميتي le pére de la plui ( بوشتا ) )

السخي

واحد سخي بزاف تحرقات ليه دارو ..
ملي جاو البومبية قاليهم والله يما تحطو ايديكم فشي حاجة قبل ما تشربو القهوة

الحديقة

واحد دخل لحديقة الحيوانات وهو يدخّل راسو فلقفص ديال السبع، الحارس جا كايجري وقاليه : وا تا أشنو كاتدير ألمسطي ؟؟؟؟ قاله : وا غير بشوية أصحبي تا مالنا غادي ناكلوه ..

كونجي

واحد قال لمراتو :شوفي أحسن حاجة تاخدي لكونجي ديالك شهرو أنا ناخد الكونجي ديالي شهر

و نسافرو شهرين عند دارنا فالعروبية

سكران بغا يحل الباب

هذا واحد سكران باغي إحل لباب ديال دارو

أبقا إقلب فالقفل

أقلة لو مراة من شرجم (واش لوح ليك ساروة )

قال ليها (أشمن ساروة أ لوحي ليا القفل )

لقا ماركيز

هذا واحد هبيل عطى ليه واحد راجل درهم باش إشري ماركيز

أمشى الهبيل في طريق أشفي الا رض ألقى ماركيز

أحط درهم و هز ماركيز و امشى

إنشاء

هدا واحد الأستاذ قال لتلاميذ كتبول إنشاء عن مبارات كرة القدم واحد الكسول كتبله نظرا للامطار الغزيرة تأجلة المباراة.

فاتورة الكهرباء

لهذا واحد صاحبنا لقى فاتورة الضوء او مشى خلصها.

جابها فراسو

هاد واحد كايبيع اللبن...غادي هاكدا فواحد الدرب..وهي تبان ليه واحد البنت قطة بمعنى الكلمة بدات كاتغمزوا ..وقالت ليه طلع...صاحبنا تلفات ليه القبلة دخل ديريكت وهو يلقا واحد الكوسطو مبودر...واقف اش كادير هنا ياولد لحرام كاتبسبس على ختي عطاه موس ديال الزبدة وقال ليه دابا غادي تصبغ لينا الدار فهمتي..صاحبنا بالخلعة ماقال والو بدا كايصبغ وعيا ...بغا يعاونو شي حد ..طل من الشرجم/النافدة/وهو يقشع واحد شارف وهو يغوت عليه...وناري على بنت كاينة لفوق طلع طلع...وهو يرد عليه الشارف...شتي اوليدي هاد المرطوب اللي على برا راه انا اللي ضاربوا بمعيلقة....

بولحية

هادا واحد بولحية بغا يسكر وعندوا غير 2دراهم اش غايدير..مشا شرى موس ديال الحلاقة...ودخل للبار...ارى ويسكي ..والحاضرين كاملين يسكروا على حسابي ...لمهم شربوا وعاودو..وبقاو كايغوتوا ..العز بو لحية..لعز بولحية ..مشا دخل لطواليط وجبد داك الموس ديال الحلاقة وكرط وجهو..وخرج حتاهو كيقول..العز بولحية..لعز بولحية

السقرام و الخبزة

سقرام (بخيل) شرا خبرة..شفرها ليه شمكار(مشرد) تبعو... مني شاف انو مشا عليه.. قال ليه سير صدقة ورحمة الوالدين!!

40 عام

واحد مشا عند شوافة قا ل ليها بغيت تشوفي ليا واش نقدر نعيش 40 عام. قالت ليه واش كتكمي..قال
لا..واش كتشرب لا.واش كتبع دريات.لا. قالت وعلاش بغي تعيش 40 عام

خوك من الرضاعة

وحدة كانت مع صاحبها ..وفجأة بان باها..قالت ويلي ويلي بابا..قالها ..ماتخافيش قوليلو أنا خوك.

لاراف

هاذا واحد السيد ما يعرفش اشنوا هي لاراف !!
واحد النهار كان مقصر مع صحابوا فواحد البلاسة مشبوهة .و جات لراف صحابوا بداو يجريوا و يقولو لراف لراف لراف .حتى هو بد يجري يجري يجري حتى وصل لواحد المركز نتاع البوليس و دخل .قلوليه البوليس مالك قالهم كاتجري علي لراف

العشاء أو أتاي؟

واحد الراجل عرض على صحابو يجيو عندو لدار, ملي جلسو شوية هدروا قال ليهم شنو نسبقو أتاي ولا العشا ؟؟
قالو ليه العشا ! هو يقول ليهم توكلنا على الله نتوضو و نصليو !!!

التلاميد و الطيارة

قاليك هذي واحد الثانوية عملت رحلة لواحد الجزيرة مشاو في الطيارة و الطيارة وقع ليها عطب تقني.. والبيلوط ديال الطيارة تسيب بالباراشيت باش يعتق راسو المهم التلاميذ بقاو غير بوحدهم فالطيارة ناضو صحاب الشعبة ديال التيكنولوجيا صلحو العطب حتاش قاريين داكشي.. وصحاب العلوم الرياضية معا عندهم معا الزوايا والقياسات ساقوا الطيارة ... والأدبيين مالقلو مايديرو وهما يقولو ليهم (آه كدنا أن نقع)

المرأة المشكاكة

هاد واحد المرا كتشك فزوجها
واحد النهار لقات عليه شعرة زعرة قالت ليه شكون هاد الزعرة اللي كنت معاها
واحد النهار لقات شعرة حرشة قالت ليه شكون هاد السودة اللي كنت معاها وواحد النهار ما لقات حتى شعرة قالت ليه شكون هاد القرعة اللي كنت معاها

الحاج شلاظة

واحد كايقولوا ليه الحاج شلاظة .كعا من السمية.. مشا هاجر شي 30 عام باش انساو... رجع هوا يشوفوا واحد صاحبو قديييم.. قال ليه واش نتا هوا الحاج بصلة اولا مطيشة... الحاج قال ليه تخلطها نخلط مك.

طلاب

واحد طلاب طلع لطوبيس كايطلب مبغا حد يعطيه.. واحد الراجل عيط عليه عطاه شي حجا...طلاب قال ليه الله يجعلك من الدين امنو... مني شاف لقا ريال.. زاد قال ليه ثم كفروا

زربان على عمرو

فار غادي .. سمع عرس... دخل ليه لقا عرس ديال المشاش... بات لعروسة شدو وقال للجوق: غنيو ليه يازربان على عمرو

ا طلع أ زين

واحد الولد مفركس مزيان وتطل عليه واحد الشهبة واعرة من 6 ايطاج قالت ليه فس فس طلع طلع ويقول ليها انا قالت ليه اه نتا

ويطلع بسرعة البرق دخلاتو وسدات الباب و هي توريه واحد كركور الصابون قالت ليه يا الله طلع نشروا في السطح والا ما بغتيش وارتو واحد دوبرمان نيابو طالعين خاف وطلع ينشرهم ويطل من السطح بان ليه واحد خاينة غادي مانتك تاهو ويقول ليه ايه فس فس طلع طلع ويقول ليه سير لمك راه انا لي صبنتهم

المكلخ و المينوط

واحد المكلخ كان مردة ولى بوليسي عطاوه السلاح والمينوط مشى فرحان للدار

كي دخل عند مراتو بغا يضحك معاها وفي نفس الوقت يفوح عليها ركب ليها المينوط ..

ضحك معها وسالا و المنوط مبغاش يتحل ليه عيا معاه والو ، في الصباح داها معاه للكوميسارية قالو ليه مالك ؟

قال ليهم لقيتها سكرانة

كنور

لحناش تابعين شي حشاشين. خسرات ليهم صطافيط.. ركبو طموبيل ديال كنور.. شدوا واحد حشايشي.. بدا كايضحاااااااك.. قالو ليه مال جدك كضحك.. قال ليهم شفت كنور بالدجاج بالحوت غير عمرني ماشفتو بالحناش

العريان

هذا واحد البليد مشى لسبيتار باش يدير سكانير لقا واحد خاينة و هو يسولو فبن

جا السكانير قال ليه تلع فلسنسور صحيبنا طلع فالسنسور

و بدا كيحيد فحويجو و ملي تحل باب ديال السنسور شفتو واحد الفرملية

عريان و هي تخلعت وبدات تغوت قال ليها أويلي فياا الكونسيرررر

شرطي المرور

واحد مكلخ وقفو بوليسي فالسيارة نتاعو.

- قالو…….مالك مادايرش السمطة !

- قاليه…… نسيتها فالسروال لاخر !

- قالو…… ارا لوراق ديال لوطوموبيل ملي عطاهوملو قالو شتك ماكاتبانش )زعما فالصورة(

- قالو…. والو الشاف غير من الخدمة لدار ومن الدار لخدمة

- قالو….. واش هاد طوموبيل مسوريا

- قالو….. لا, …..من بركان

- قالو…… واش مزوج

- قالو…… ايه مزوج بمرا

- قالو….. واش شفتي شي واحد مزوج براجل

- قالو…… ايه

- قالو….. شكون

قالو………… ختي

الحفرة

هادي واحد الحفرة كل مرة تايطيح فيها واحد، واحد النهار اجتامعو الناس باش يلقاو شي حل (كولهم مكلخين) ناض الاول قالهم نديرو شي فرملي فالحفرة باش ليطاح يتعالج تماك جا لاخر قاليهم لا نجيبو لامبيلونس تبقا حدا الحفرة باش لي طاح يمشي نيشان لصبيطار ناض الثالث قاليهم لا نريبو داك الصبيطار او نبنيو واحد آخرحدا الحفرة ناض واحد آخر قال ليهم لا نسدو ديك الحفرة او نحفرو وحدا أخرى قدام السبيطار

التلميد المكندز

قال ليك هذا وحد الاستاذ قال لتلاميذ ديالو : لي سولتو اوماجوبش يعطني 50درهم ولي سولني اوماجوبتش نعطيه 100درهم اوهو ينوض واحد الكسول قليه شنهيا الحشرة لي عندها 9999999رجل؟؟؟) بدا كيفكر اهوا يقول ليه معرفتش هاك 100درهم , قول ليا انت شناهيا ?? اوهوا يجاوب الكسول : تاانا معرفتش هاك 50درهم

الحانوت

هدا واحد البخيل فاق في صباح بكري ومشا يحل الحانوت ملي حلو لقاه مسروق وهو يسدو ورجع نعس وغطى راسو بالمانطا أو قال الله إخرج هاد الحلمة على خير

معكااز

واحد معكازبزااف ... قال لصاحبو : دبرت على خدمة. قال له مبروك فين ؟؟ قالو فمطبعه...كانكلس فوق الوراق باش مايطيروش

النتيجة

هدا واحد مسيفط الأخت ديالو تشوف ليه النتائج ديال الإمتحانات،اتفق معها تقول ليه في التليفون إيلا سقط في مادة 1....سلم عليك محمد ؛إيلا سقط في 2 مواد:سلمو عليك محمد ومحمد ؛المهم مشاة البنت تشوف ليه ،هو إعيط لها قال لها :كيف دايرة القضية ؟
قالت ليه ختو :سلمت عليك أمة محمد كلها

الحداء

واحد الرجل مشى مع واحد مراة عند لمحل ديال الاحدية و قيسات المراة الي كانت معاه كلشي الاحدية وفي الاخير قالت له هدا ليجا قدي ويقوليها راه هداك هو لي كنتي لابساه في الاول

حليمة

واحد الشفار دخل واحد الدار لقى رجل وجوزته قال للمراة مااسمك قالت حليمة نتي مانقتلكش لان امي اسميتها حليمة ويقول للرجل وانت اشنو سميتك قاليه احمد ولكن في الدرب كيقلو ليا حليمة

الحلم

واحد كيحلم ديما ب الفئران في الكاتش واحد المرة مشى عند الطبيب عطاه العلاج قاليه هداك لي مريض تسنى حتى نشوف الفينال

المسبح

واحد مستشفى حماق عطاوهم المسبح كل واحد يفعل شيء والاكين واحد كصفر ابحدو جاو عندو قالو ليه لاش كاتصفر قاليهم حيت انا معلم السباحة

المطور

قالك هذا واحد الولد قال لباه شري ليا موطور , وباه كايبغيه يكون مجتهد في الدراسة ديالو و مابغاش يشريها ليه,وهو الولد يكتبها ليه مع الادوات المدرسية

البنت الكدابة

شي واحد غادي معا واحد البنت فالشارع,وهي فيها لفشر بزاف اي حاجة اللي زوينة كاتقولو ديال بابا بحال شي قهوة واعرة كاتقولو ديال بابا شي فيلا كاتقولو ديال بابا شي طوموبيلا واعرة كاتقولو ديال بابا , وهو طلعت ليه فراسو بداك لكذوب , واحد الساعة تمت دايزة واحد هيليكوبتير وهو يقول ليها تخبعي تخبعي راه باباك كايقلب عليك بهيليكوبتير.

صدى الصوت

مغربي و فرنسي و صيني دهبو لجبل
وارادو ان يقول كل واحد كلمة ليسمعو صداها قال
المغربي السلام عليكم سمع صدى الكلمة 40 مرة
و قال الفرنسي bonsoire سمع صدى الكلمة 30 مرة
و قال الصيني شينغ شانغ بسرعة و هو يقولو الجبل
كرر مادا قلت

السينغالي و القلم

واحد السينيغالي دهب لاحد المتاجر
وقال لصاحبه اريد قلم اسود السينيغالي جرب القلم في
يده و قال لصاحب المتجر القلم لا يكتب

درس الفتح

استاد للتربية الاسلامية كان يفهم التلاميد
درس الفتح و المعركة التي دارت بين قريش و المسلمين
واحد التلميد كسول رفع يده و قال للاستاد لم افهم
قال له الاستاد انضر كما تلعب غانا ضد
بوركينا فاسو و تربح المغرب تم اجاب التلميد
يعني المسلمون سيلعبون ضد غانا في النهائيات

السيجارة

استاد سول دراري على معنى السيجارة بالفرنسية نقز واحد قال ليه ماركيز

وععععععععععع

استاد سول الدراري شحال خمسة فخسمة تاواحد جاوب من غير واحد الكسول قال ليه 25 هويقول ليه غوت سمعهم وهو يغوت وعععععععععععكككك

الفراشات

جوج فراشات خارجات يدورو شافو سراق الزيت فالحيط قالو يخ اولاد الكاريان جاو

123

هدا واحد جوج ثلاثة اربعة تحماو على زيرو.. زيرو شاف القضية حامضة.. تحزم.. ولا ثمانية عطاهم لعصا

الحلم

واحد حلم أن 200 درهم توضرات ليه… بقا ناعس 3 ايام حلف ميفيق حتى تيلقاها

طويل بزاف

طويل بزااااف شرب كاس لحيب ومات جاو شوفوا لقاو لحليب مجا يوصل للمعدة حتا انتهت مدة الصلاحية

قزم

قزم مشا يتصور صورة يدير لكارط ناسيونال هو يخرج فيها كامل

التمتيل مع السبع

واحد قالو ليه هتمثل لينا اشهار مع السبع انه كياكلك وهنفسرو ليك كلشي وقال ليهم سيرو فسرو للسبع بعدا

غليض بزاف

غليظ بزاف تبارك الله مشا يتعبر وقف فالميزان خرجات ليه مكتوب فيها خوتي واحد واحد الله يخليكم

بزق عليه طير

هدا واحد الراجل كان غادي ف الطريق وهو يبزق عليه واحد الطير
شاف البزق و قال: حمدتك يا ربي مني ما عطيتيش للبقر الجناوح

قلب البلاستيك

هادا واحد الراجل بدلوا ليه قلبو بواحد ديال بلاستيك... و هو يتزعط في بانيو

سراق الزيت

هادا واحد سراق الزيت خرج من الحانوت فرحان حيت لقا تصويرتو ف مبيد الحشرات

دجاجة

واحد الدجاجة انتحرت و كتبات ف الوصية ديالها: إيوا شبعوا بضامة البنة

هبيل صايم

واحد هبيل صايم واتصل ببرنامج الإهداءات قال ليهم: بغيت مقطع من أذان المغرب

ميكانيكي

واحد ميكانيكي بغا يضحك مع مرتو، ناض قرصها بالبانس

مؤدب

هادا واحد مؤدب بزاف. مللي كيبغي يحل التلاجة كيدق هو اللول

الشعر

وحدة طلقات شعرها وهو يهرب ليها

اعلان الزواج

هادا واحد نشر إعلان: بغيت مرا نتزوج بيها
الغد ليه وصلوه مية جواب: بغيتي ديالي؟

مروان

هادا واحد مشى للفرماسيان وقال ليهم: بغيت الحليب ديال الدراري الصغار
قال ليه مول الفرماسيان: أشنو سميتو؟
قال ليه: مروان

التيايفون

هادا واحد ضرب التلفون لصاحبه حيت مزير ف شي فلوس. هوما غاديين ف المكالمة عادي، حتى جات سيرة الفلوس، غير طلب اللول من صاحبو شي فليسات و هو يرد عليه: الرقم الذي تطلبونه غير موجود، المرجو عدم الاتصال لاحقا..

عجباتو و عجبها

هادا واحد طلع للطوبيس وشاف واحد البنت جالسة وعجباتو. ضحك ليها وضحكات ليه. غمز ليها وغمزات ليه. مشى عندها قال ليها نزلي ف البلاكة الجاية. هي نزلات وهو جلس ف بلاصتها...

تايعقل بزاف

هادا واحد كيقعل بزاف، تلاقى مع واحد صاحبو، سولو صاحبو: باش تغديتي؟ قال ليه: بالحوت. ومن بعد عام، تلاقى بهاداك صاحبو نيت وهو يسولو: وا كي داير؟ جاوبو: مقلي...

البحر

واحد دري غراق في البحر ناض باه ا مو ا ختو مشاو لسيدي عبد الرحمان على صخر أتقا بلو مع البحر بقاو كي لبحر يلوح ليهوم ولدهم مرة كتخرج دجاجة مرة فروج مرة ميكا باه طلع ليه دم هو ينوض من بلستو هو يقلز لبحر ليه تكل فيه سم نشاألله

مرتي الحبيبة

هادي واحد المرا سولات راجلها: متكدبش علي تصور مت آش غادي يوقعفيك؟
الراجل: نحماق ونتسطى ألحبيبة ديالي ويخخخرج ليالعقل
المرا: و زعما تعاود تزوج وحدة أخرى؟
الراجل: إيوا شوووووفي حماقي شنو غادي يقول لي .....

عفريت و الدلاحة

هادا واحد مشى للسوق وشرا دلاحة
منين حلها خرج ليه عفريت وقال ليه: طلب وتمنى
قال ليه الراجل: بغيت دار
قال ليه العفريت: ما لقيتها حتى أنا اللي ساكن ف دلاحة

العشاء

واحد الراجل قال لمرتو: وجدي راسك اليوم غادي نتعشاو برا
ملي رجع للدار ف العشية، لقاها حطات الميدة ف الزنقة

طلقات شعرها

وحدة طلقات شعرها وهو يهرب ليها

مبوق فريش

واحد مبوق طاح من فوق العمارة وتجمعات عليه الجوقة
سولوه الناس: أشنو وقع؟
قال ليهم: ما عرفتش، أنا يالله جيت

الرجل الشجاع

lهادا واحد مراتو خارجة عليه، ديما هو كيغسل المواعن .. واحد نهار جلس يعاود لواحد صاحبه جا هو قاليه هاد المرة ملي تدخل للدار مع الدخلة غوت عليها و قول ليها واش كاين شي غدا.
مشا هو دخل للدار و غوت بالجهد :حناااااااااااااان .. و هي ترد عليه بجهد كتار : ماااااااااااااااااااااااالك؟؟؟
قال ليها : كاين شي مواعن نغسلهم؟؟

الوحش

في احد الايام هجم و حش على امريكا و بدات كل
الدول تتضامن معها كل واحد مادا يرسل واحد يرسل صواريخ و الاخر اجهزة متطورة و اخر قنابل نووية…و المغرب ارسلت لهم شرطي دهب دلك الشرطي الى الوحش و قال له شيئا و بدا الوحش
بالبكاء اليوم كله و في اليوم التالي دهب الشرطي الى الوحش و قال له شيئا و بدا الوحش بالضحك اليوم كله و في اليوم التالت دهب الشرطي الى الوحش و قال له شيئا و اختفى الوحش(هرب)
عندما رجع الشرطي الى المغرب سالوه مادا قلت للوحش اجابهم
قلت له انا اعمل شرطي في المغرب و هو بدا يبكي النهار كله
و من بعد قلت له اكسب 1000 درهم مغربي في الشهر وهو بدا يضحك اليوم كله و المرة التالتة قلت له ساخدك معي الى المغرب

سكر

دهب ولد الى متجر و يال صاحبه هل عندك
سكر اجاب صاحب المتجر نعم تم قال له الولد الله يشافيك

سكران أوي

واحد سكران قطع راس اخوه في الليل لما كان نايم
و هو يقول فنفسو لم يفيق اخي في الصباح و ما يلقاش راسو
سيموت من الضحك

عشرة دراهم

استاد الرياضيات سال التلميد ادا اعطاك
ابوك 10 دراهم و اعطا لاخوك 15 درهم مادا تساوي
اجاب التلميد تساوي الحرب

شفار العائلة

هاذا واحد السيد ديما خاون شي حاجة من دارهم واحد النهار هو يخون بورتابل لخوه و هما يعيقو بيه و تاصلو بي لنمرة ديال لبورتابل اللي خون و قالو ليه رجع البورتابل راه باقي جديد و هو يقول ليهم و توما غير اللي تخونت في الدار لاصقوها فيا.

ضفدعة

معلم في قسم فيه الا الاغبياء رسم لهم ضفدعه قربها
1 و كل واحد كيف تكون اجابتو (ضفدعة و 1)-(1+ضفدعة)…
في الاخير ناض واحد الكسول يجاوب و قال ضفدعتعشر

ألداخ

هادا واحد مشى لهولندا و ماتيعرفش الهولندية، يالله تايعرف صباح الخير هي الداخ. وصل تماك بالليل وناض الصباح بكري تيدور بوحدو وتيتسنى يدوز شي واحد باش يقول ليه الداخ. شوية دازت واحد النصرانية وسبقاتوا قالت لو الداخ. معرفش باش يجاوبها وقاليها دردلاخ

السبع

هادو جوج غاديين ف الغابة وهو يخرج ليهم سبع. ناض اللول ضرب السبع بحجرة كبيرة وهرب كيجري. شوية وهو يتلفت وراه وبان ليه صاحبو كاع ما كيجريش. قال ليه: وا مالك أصاحبي ماكتجريش؟

جاوبو صاحبو: وعلاش نجري؟ مالي أنا اللي ضربتو؟

الفروج و الدجاجة

لفروج قال للدجاجة: أشنو فايدة اللي كيبيض البيض للناس باش ياكلوه؟
قالت ليه الدجاجة: إيوا بعدا حسن من اللي كيودن وما كيصليش

الكسالى

هادا واحد الولد ساقط ورا النتيجة ديالو لباه. عطاه باه قتلة ديال العصا وقال ليه يا الكسول أشنو كنتي كتدير ملي كانو قرانك كيقراو
منين كمل معاه جات نوبة خوه. ورا لباه النتيجة اللي مكفسة بحالها بحال ديال خوه. شاف فيها باه وهو يقول ليه: سير أولدي الله يهديك، ولكن العام الجاي خاصك تدير حسن من هاكا.
الولد اللي كلا العصا بغى يحماق ما فهمش القضية كيدايرة. وهو يسول خوه: كيفاش زعما بجوجنا ساقطين وأنا ناكل العصا ونتا لا؟
قال ليه خوه: حيت حطيت ليه مية درهم ف وسط النتيجة

التعديب

مكلخ
بغاو يعدبوه عطاوه ورقة مكتوب عليها من الوجهين إقلب الصفحة ..

صابونة

واحد كال أوأكل صابونة .. بغى يغسل مصارنو ..

قرع

واحد قرع تزوج واحدة قرعة جابو ولد عندو شعرة وحدة سماوه بوغوفلة

فار بغا يعمر الدار

كليك هادا واح الفأر بغى يخطب واحد الفارة, ملي مشا عند واليديها قالت لو مت الفارة.غادي نزوجك بنتي بشرط, تكتب ليها القادوس بسميتها

قال لك واحد غليض بزاف ايوا مشى للطبيب..قال له بغيت ننقص..قال له كل يوم تمشى عشرة

كلم مدة شهر ..داز شهر

تصل خونا بالطبيب..الو انا في زاكورة فين نمشي دبا ...

محشش

واحد محشش جالس باب بيته ،
داز عليه واحد وسأله
إنت من أهل البيت ؟
قاله لأ . أنا من كفار قريش .

العرس

هادو واحد 2 سكايرية دايزين من حدى واحد الخيمة فييها عرس
مشا أسيدي الأول تايطل من واحد الثقبة فالخيمة ، شافو موول العرس من الداخل أو هو إيضربو حتى تلاح في الأرض
جا السكيري2 لاخر أوهوا إيقوليه : مالك أصاحبي ؟
السكيري 1 : طل طل تكرشخ بالضحك
أو هوا إيمشي صاحبنا تايطل أو هوا إيشوفو موا العرس أو ضربو عاوتني حتى التلاح أوهوا إيقوليه السكايري 1 : أمالك أصاحبي ؟

السكايري 2 : عرفتي شنوا ؟ تحرك تحرك قبل من موتو بالضحك

المجانين و السيارة

عشرة مجانين يدفعون سيارة لكنها لا تتحرك لماذا ...؟؟؟؟؟لان خمس يدفعون من الأمام وخمسة من الخلف

التعبئة

هذا واحد شدوه البوليس
قالوليه: اعطينا لاكارت
قال ليهم: وشا ديال اتصالات ولا ميديتيل
قالوليه: كتفلى علينا شدوه عطاوه واحد سلخة واعرة، ضربوه
قالوليه: كيف جاتك التعبئة

قال ليهم: مزيانة الحمد لله مانكانتش التعبئة مضاعفة

made in morocco

هادي امريكا بغات تصنع صاروخ المهم كلشي شارك معها... ها اللي جاب البياس و ها اللي ساعد باليد العاملة ..و اللي عاون بالفلوس... و حتى سالاو و هما يشوفوا واحد المغربي جايب ورقة كبيرة مكتوب فيها( صنع في المغرب )

مختفون

واحد الدري مدة هادي ماشاف واحد صاحبو قال والله حتا نمشي نسول عليه
مشا لدار ديالهم دق دق خرجات مو... سولها قالت ليه اولدي من داك النهار سخرناه يجيب اللحم مارجاعش
قال ليها و شنو درتو؟؟ قالت ليه الدجاج

حشايشي

واحد حشايشي شاف باه فالزنقة.. باه جا عندو قال ليه مال موك مشفتنيش.. قال ليه شفتك غير معرفت فين

حشحوش

هدا واحد المكلخ بغا اطلع للقمر ...مني كان غادي خسر بيه الصاروخ أو طاح فصحراء سيناء...سحابو واش وصل للقمر....واحد الشوية جا عندو واحد المصري أو قال ليه (حتموت من الشمس )..جاوبو صاحبنا متشرفين...ونا حشحوش من الأرض

بغا ينشط

هدا واحد ناشط مشى عند البقال ...أو قال ليه عندك قنبولة 180 ريال بغيت نضحك مع مالين الدار...جاوبو مول الحانوت...زيد درهم أو شري بوطة صغيرة هجرو ليهم

المرا و الفقيه

واحد المرا دات ولدها عند الفقيه وقالت ليه: سي الفقيه، الله يرحم الواليدين إيلا ما علم ليا ولدي، راه الجامع ديال الدوار ديالنا بقى بلا فقيه. يالله هاني غادي نتسنى فيك قدام الباب حتى تسالي

المكلخ الطويل

واحد مكلخ كان كيصبغ الحيط ف دارهوم. قالو ليه: إيوا بعدا على الأقل دير جرنان تحت منك
قال ليهم المكلخ: لا بلاش، راني طويل

مول التشويكة

هادا واحد عندو تلاتة د الشعرات ف راسو. مشى عند الحلاق وقال ليه: دير ليا فرقة من الجنب
الحلاق جا يدير ليه الفرقة من الجنب تقطعات ليه واحد الشعرة
قال ليه الراجل: واخا دي ليا الفرقة ف النص
الحلاق جا يدير ليه الفرقة ف النص تقطعات ليه شعرة أخرى
قال ليه الراجل: عرفتي أشنو تدير؟ دير ليا تشويكة

المبوق

هادا واحد مبوق وصل حدا البوتو ديال الضو وبدا يدق يدق يدق، يصحاب ليه واش دارهم
جا عندو واحد آخر مبوق كتر منو، قال ليه: أشنو كدير أصاحبي؟
قال ليه المبوق اللول: كندق على دارنا وحتى واحد ما حل ليا
طلع المبوق لاخور راسو وهو يقول لصاحبو: إيوا العجب... راهوم شاعلين الضو زعما

الحماق في العمارة

دكتور ديال الحماق دخل عليهم لقى ثلاثة واحد طالع فوق الآخر قاليهم اشنو تتديرو ؟
قاليه الي تحت سكت سكت حنا عمارة ديال تروا زيطاج هي هي هي ..
جمع يدو وعطاه بتصرفيقة يمكن هذه داخلة في شغلو ..
وهو لحمق الي تحت قال للفوقاني نزل أصاحبي شوف شكون الي تيدق في الباب يلاه ..

الشوافة اللي ما شايفة والو

. هذا واحد الراجل كان غادي في الزنقة وقفات عليه واحد الشوافة وقالت ليه عطيني غير 100 درهم و نقول ليك اشنو عندك قال ليها كون كنتي كتعرفي بالصح كون عرفتي بلي ماعندي دابا حتا ريال في جيبي

مول الفران

واحد الطلاب مشى عند واحد مول فران قال ليه: خويا، سيمانة هادي ما دقت الخبز
قال ليه مول الفران المسموم: راه مداقو هو هو، ما تبدلش

شفار ضريف

. واحد الشفار بغى يتوب وهو يسرق جوج سيديات ديال القرآن

مول التاكسي

واحد عندو طاكسي. طلق مرتو، و مللي مشى يوصّلها لدار بّاها خدم ليها الكونتور
-------
واحد عيط لمراتو وقال ليها: وجدي ليا الما السخون !
قال ليه صاحبو: وايني راجل أصاحبي
قال ليه الراجل: إيوا شنو بغيتي؟ نغسل الماعن بما بارد؟
-------
هذا واحد تزوج واحد المرا حادكة بزاف ،الليلة الاولة فاق فنص الليل مشى لبيت الما ملي رجع لقاها جمعت الفراش